為了實現媽媽遺願，我成為了女兒國唐僧: K42

Q：「哼，等你重敢唔敢話要解決我。」QQ今日好似幾開心，重望住我奸笑，一副肯定食硬我咁嘅樣。
我：「但妳著得太刺激喇，我擔心個傻仔會流鼻血。」我一邊喺佢胳肋底下面個位㧻佢啲波邊肉。
Q：「理得佢，睇佢個衰款都打過我唔少次飛機啦，唔通我又要抗議咩？Yvonne著bikini咪又係咁。」
我：「人哋係同男朋友出去玩先咁樣啫…」
Q：「我決定咗要還擊，一陣上到山頂幫我影多幾張相，我直頭唔放story直接出post！」
我：「惡性競爭係好事，益晒啲男仔…話時話你男朋友會唔會唔高興㗎，定係妳唔俾佢fol妳？」
Q：「咁又唔會，佢用小號fol我，無人知邊個係佢。」
我：「真係麻鬼煩…話時話我同妳喺學校都算熟，如果唔fol妳like下會唔會好怪？」
Q：「都唔會怪吖，因為你本身就無乜玩，又或者你可以fol我扮兵嘅，不過都係下年先啦。」
我：「嗯…係呢，妳M到無唔舒服吖嘛？」




Q：「無乜事，好似做下運動重舒服咗啲添。」
我：「唔知…瑜珈褲會唔會睇到M巾嘅痕跡呢…」
Q：「喂！咪攪呀！我都有啲驚…可能用棉條會比較好…」
我：「原來妳真係咁鍾意放啲嘢入去裡面。」
Q：「明明就完全係兩回事…講鍾意放嘢入去，我想講我哋女仔點都比唔上你哋啲變態呀！」
我：「欸…呢個好明顯係鼻哥窿同手指肉嘅問題嚟。」
健：「呵哈…呵哈…追到你哋喇…」唔好以為佢廢得交關，始終係幾百級厚石級，頭先我同QQ都喘晒氣。
Q：「你隻腳無事吖嘛，如果唔得唔好死頂喎。」
阿健望住潮熱汗出兼肉體香豔嘅QQ，塊面更加火上加油赤出於紅，我比較擔心佢身體另一個器官會頂唔住…
健：「好啲喇，如果唔係點上嚟搵你哋喎。」




Q：「肌肉有慣性㗎，你做開嗰樣嘢就會嗰樣嘢叻，如果要佢做一樣新嘅duty，一開始就會唔習慣。」
我：「明白，咁妳啲括約肌一定識得收放自如。」
口不擇言，換嚟心口嘅一下重擊…
Q：「係咪行呢邊繼續上山頂？」
健：「係呀，筆架山呢邊繼續上山就啱，之後重有一個分岔路，唔好行麥徑，咁就去到獅子山。」
話難，又唔係好難，重易過我以前爬工程梯上擋土牆䚎人哋向山單邊單位啲浴室同睡房…你問我有啲乜睇？好多師奶囉，太多時間係咁㗎啦，主要係為咗過癮，而家係屋企已經差唔多乜都有得睇，當然大卡車都好大貢獻。
係最後上頂個位比較窄，要踩啱位撐自己上去。
嘩，到頂喇，係咪好靚？OK咁啦，一面係九龍港島青衣，另一面就沙田馬鞍山大埔，兩邊都幾大分別下，感覺幾特別。不過唔好以為要行好耐就無人嚟，上面有另外兩堆五個人喺度，計返人口密度呢嚿石同啲商場無乜分別…