為了實現媽媽遺願，我成為了女兒國唐僧: K36

我只可以講，佢波型係近乎完美，就算攤喺度都只係均勻咁放平，唔會擺(bel6)晒去某一個位置，平時真空或者戴住Bra都覺得佢個shape好靚，而家第一次無阻無擋咁睇晒呢兩嚿軟肉就更加證明咗我嘅推測。不過呢，佢塊乳貼都幾大下，我想睇到多啲唔可以睇嘅嘢係門都沒有，唯一肯定嘅就係佢唔係大lin餅，不過大又點細又點，我係惜佢就根本唔會在意呢小小外觀上面嘅差異。
唔使講都知，三十秒內我就已經棄械投降。
點解我屋企會有個女仔坐喺度唔著衫咁化妝？佢蹺埋對腳揸住塊鏡喺度好認真咁畫眼線，呢個姿勢顯得個波shape更加挺，非常之咁鬼靚，條腰亦都好緊緻幼滑，雖然我覺得重有縮水嘅空間…
Q：「望乜嘢喎，好似未睇過女仔對波咁。」
我：「其實…妳返學都唔會搞咁多嘢㗎啦，阿健平時咪又係對住妳個樣，化唔化都得啦。」
Q：「出街玩點同喎，妳理得我吖！」
哼，女神妳唔係為咗個傻仔化妝呀？定係妳要玩死佢先安樂？不過上咗妝又真係sharp過平時返學look嘅。
健：『喂！你再唔出門口就精盡人亡㗎喇！』我比較擔心嘅係出完門口你見到佢今晚會精盡人亡。
我：『半個鐘後出門口啦。』咁女仔係要等㗎啦。
我嘅女神，笠咗件薰衣草色嘅sport tank，前面有少少低胸見到條溝同啲波肉，睇到肚臍呢啲就係基本嘢嚟㗎啦，肩帶係唔算粗嘅直身，後面嘅cutting亦都有露背；下面著咗條貼身嘅中度灰雲石紋瑜珈褲，最後加件欲蓋彌彰嘅超薄外套，好似驚暴露得滯人哋會唔敢望咁。




趁有少少時間，我就入去廁所洗頭，重偷用女神枝洗頭水，我毫不吝嗇咁唧咗一整下落隻手度，一搽落個頭已經瞬間起晒泡，多到流晒落塊面，而且重帶有啖啖女神嘅清香；一不做二不休，我將啲多餘嘅泡泡搽晒落下面啲毛度，爽呀！一定會好柔順，雖然唔係好多毛…最緊要下面香噴噴唔好臭肨肨影衰女神。
臨出門口前，佢將一大堆有的沒的…包括水，蚊怕水，防曬，止汗噴噴，cap帽，銀包，電話，全部掉晒落我個背囊度，而活潑高貴嘅女神就當然兩手空空。
我：「一齊行出去安唔安全㗎？」
Q：「放暑假應該無乜學生掛？離開咗你棟樓就安全，我哋快手快腳啦。」我諗點都安全過妳去買雙餸飯嘅…
Q：「喂！死仔包你用咗我枝洗頭水！」佢摸摸我頭。
我無答佢，但就傻笑望住佢，因為個頭輕飄飄好爽。
Q：「你用還用，用啲平嘢洗一浸先吖！唔好嘥鬼晒。」
過咗陣我哋就到地鐵站，阿健望到佢喺度呆咗一呆。
健：「Queenie妳好…佢…喺度嘅？」佢望住我。
我：「一睇就知佢係跟埋嚟行山㗎啦，咁都好問嘅。」




Q：「我係嚟監察你兩個有無搞基嘅嫌疑。」
健：「咁…行啦。」對住女仔佢又好似啞咗咁。