為了實現媽媽遺願，我成為了女兒國唐僧: K16

健：「黐線！又有乜可能呀？」
我：「唔使咁激動喎，我睇你個樣都知無啦，所以好小事啫，你開心無投訴就最好。」
健：「咁又係，你同女仔有乜未玩過…」
我：「掉返轉，你又有無嘢想問返我？」
健：「呢層…我諗有啲嘢問你都唔會答我㗎啦，而且我又唔係你，呢啲事係你先有辦法實現到。」
我：「其實唔太關我事，主因係你好彩啫。」
健：「乜淨係好彩就可以咁？」
我：「你球十二碼射得咁靚都可以俾我哋個龍門撲到，重唔係整定？當個天沒收咗你一個波，就會畀返第二個波你。」
健：「妖，你今日講嘢做乜咁神神化化。」
我：「無食早餐係咁㗎啦，等我食埋啲麪先再講。」




不枉我使咗八十幾蚊食晏，結果飽到上心口。
健：「我諗住下年搵啲嘢嚟玩下…」
我：「嗯，有平價援交妹？定係下定決心搵北菇雞破處告別青頭仔年代？」
健：「咪玩啦，我諗緊不如報名踢學校足球隊。」
我：「幾好呀，今次你嘅表現都唔錯，以我哋學校呢啲名不見經傳嘅足球隊嚟講，應該係你報名就會有得玩。」
健：「咁你會唔會諗住陪我呀？」
我：「唔係幾好掛…聽聞校隊練波都係星期五六，而你應該知道我每逢週末都有嘢做㗎啦，唔似得以前咁得閒。」
理論上，星期五踢完波去返工，星期六朝早或者晏晝去練下都得，問題係我又無乜興趣，點解要搵啲嘢嚟辛苦自己，瞓多幾粒鐘，喺屋企對多陣QQ一齊做功課重好啦。
最重要，我踢得更好吸引埋成大班女都唔會用得著。
健：「係嘅…咁同我一齊做下運動你唔會托手踭喇掛？」




我：「你到底乜事，做乜好似唔同咗咁嘅？」
健：「想搵下啲有意義，對自己有益嘅事嚟做下啫，平時嘅消遣都係打機多，開始覺得有啲無謂。」
我：「吓，你傳說嚟㗎喎，唔通俾輔導主任洗咗腦？」
健：「如果係洗到中一就已經洗咗啦…」
我：「咁唔通係社長喂咗啲迷湯你飲攪成你咁？」
健：「你諗多咗喇，邊有呢啲可能喎。」
我：「社長講過佢都鍾運啲sporty嘅男仔，你操fit啲或者有得考慮下喎，有時啲嘢就係咁弄假成真。」
健：「我又唔係鍾意佢…」
我：「你真係好衰衰嘅啫，摸完人哋重話唔係鍾意佢。」
健：「我講事實咋，唔係咁熟又大我咁多。」




我：「一次生兩次熟…係嘅，同Kuromi比又真係輸晒。」
健：「喂，所以先話我唔想再打咁多機咋嘛。」
我：「陰功豬，睇嚟真係有陰影，想返球場識女？」
健：「邊有咁易，我係想認真踢波做好自己。」
我：「如果好飢渴，或者可以叫Carmen呵護下你嘅…」
健：「唔使呀，我重申一次我係想做運動。」