為了實現媽媽遺願，我成為了女兒國唐僧: K12

我：「喺球場執返嚟…接近免費，係小小零食…」
Q：「所以你睇下你以前幾衰，要好好對佢呀。」
我：「知喇…咦，佢連架車都無攞返屋企呀？」
Q：「佢話攞返去實俾細佬玩到甩皮甩骨，咁珍貴嘅嘢會好心痛，所以就擺住喺度先。」
我：「呢個又係頭痛，唯有幫佢保管住先。」
Q：「你哋都幾好彩，一抽就中咗大隱藏。」
我：「原來妳一睇就知道…」
Q：「得閒去尖沙咀睇下咪知囉，多數都係唔同顏色。」
我：「我攞上手搖一搖，感覺到重量好似唔錯，咁就中咗，如果磅一磅佢咪可以去揀囉。」
Q：「低B，你諗到其他人會唔會諗唔到呀，入面有個幣或者吸水珠珠攞嚟調較重量，唔會俾你搵到隻公仔嘅淨重，勸你死咗條心佢。」




我：「原來…即係真好彩，可能個天都想氹返細蚊。」
Q：「係見你有心氹返EX，咪幫下你囉。」
我：「係呢…Queenie，妳話過妳係第二次拍拖，點解從來無聽妳提起過你個EX嘅？」
Q：「點解？仆街咪唔想提起佢囉。」
我：「有幾仆街法？係咪唔講得㗎，乜人嚟？」
Q：「又唔係唔講得嘅，喺我以前屋企樓下溜冰場識嘅，玩開花式溜冰，有啲唔知乜嘢證書同教練牌，嗰陣我啱啱中二，佢就已經升U，都係住喺我屋企附近。」
我：「嘩，聽落好高spec咁喎。」
Q：「重好靚仔添，溜起冰上嚟成個羽生結弦咁。」
我：「有無咁嚴重呀，連妳都覺得靚仔？」
我唔知QQ係唔想傷我心定係其他原因，佢從來無分享過男朋友個樣俾我睇，而我平時亦唔覺得佢會對靚仔有乜感覺，可能靚女如佢就會覺得世界上其他所有人都係凡人…正如YY所講，佢哋要揀就會有個靚仔男朋友出現，係一件正常不過嘅事情，所以就算好似奧丁呢啲，佢都只係話想食咗佢而唔係迷戀佢。因此QQ會對佢EX加重語氣話佢靚仔，我實在係有啲出奇。




Q：「有咁嚴重呀，絕對係一個合資格嘅渣男，如果佢做鴨嘅話都可以考慮下幫襯。」
我：「吓…點解我覺得妳講嘢咁矛盾嘅。」
Q：「唔矛盾，佢做鴨我就可以糟騭下佢。」
我：「係咩，話唔定人哋覺得好享受呢。」
Q：「咁要試下我著住高跟鞋踩佢JJ，再夾佢粒lin。」
我：「原來妳有咁變態…男朋友知唔知㗎？」
Q：「你都黐線嘅，對住啲賤人先會咁嘅啫。」
我：「但賤人…妳就可以同佢做？」
Q：「我唔介意同靚仔做，我只係憎佢嘅態度。」
我：「佢嗰陣對妳有幾差呀，妳唔係應該要投懷送抱嘅咩？」




Q：「想呃我上床咪衰人嚟囉！」