為了實現媽媽遺願，我成為了女兒國唐僧: 978

Q：「有自來女你都唔要？好唔鍾意人哋咩？」
我：「咁又唔係…其實佢各方面都幾好。」
Q：「其實你可以同佢一齊㗎喎，唔使因為同我住就拒絕人哋，我唔會介意呢啲嘢，亦都可以幫你同佢解釋返點解我哋而家咁樣，我同佢都有欬謦嘅，而且我本身又有男朋友，佢應該可以理解到。」
我：「我覺得咁樣唔係幾好…因為個女仔送上門就同人哋一齊嘅話，我對佢…係有啲好感嘅，但至少未去到好鍾意嘅程度，如果我個心入面全部都係佢，不停咁諗住佢，我早就已經同佢表咗白，無理由要等到佢做主動，不過而家唔係咁，如果一齊嘅話…好可能只係我貪方便想食咗佢，而且，妳可能唔介意我同個女仔喺隔籬床上面做愛，但佢呢？佢重係一個乜都唔識嘅乖乖女嚟，我唔想佢第一次拍拖就要面對呢啲唔好嘅經歷，而且我講過要照顧妳，亦都會一直做落去，咁我又唔會瞞住佢，要佢接受自己個男朋友會養另外一個女仔係咪有啲過份，無論點諗，最後都只會對佢做成傷害，所以…我唔考慮。」
Q：「傻瓜，我開始識照顧自己啦。」佢企起身攬住我。
我：「咁妳搵到錢夠交租自己住未？」
Q：「未喎，除非賣埋身就應該得。」
我：「唔准再講呀，我唔要妳受到呢啲傷害，除非…妳搵到個男仔可以比我對妳更加好啦。」
Q：「邊有咁易吖，有就唔會咁多靚女出嚟返工啦。」
我：「妳媽咪應該就係其中一個從來未返過工嘅靚女。」




Q：「唉，唔好提佢喇，佢覺得搞得掂自己就得，咪煩到我，我唔會以佢做榜樣。」
我：「如果佢覺得開心都無問題嘅，雖然無理過妳。」
Q：「最好唔好理呀！就算得返我一個都可以過得好地地，我唔係溫室入面嘅小朋友嚟。」
我：「嗯，Queenie妳真係好叻女。」
Q：「你咪又係成日自己一個人都係咁過。」
唔再係喇，因為我已經有咗妳呢一個屋企人。
Q：「咁…你同韻婷佢喺度做咗啲乜呀？」
我：「無呀…咪氹返佢囉，等佢唔好咁唔開心。」
Q：「呵，有失戀服務咁話咯，點氹返人哋先？」
我：「欸…都係嗰啲啦，男仔同女仔會做嘅嘢，我諗…佢應該唔會想俾外人知道，所以妳唔好問啦…但妳可以放心，我無對佢做啲過份嘅行為，亦唔會傷害佢。」




係囉，只係表演畀佢睇，唧咗少少精華液落佢身上…
Q：「嗯，無話唔信你，佢無唔開心咁就好，因為…女仔俾男仔拒絕其實好傷㗎。」佢一邊掃我背脊，一邊用水汪汪嘅眼睛望住我講，彷彿同韻婷感同身受。
Q：「嘻嘻，我可唔可以食塊曲奇呀？」