thriXt Qantasy 純文字安眠之作 (New: - U2K - 一直上架): 974

「三…二點七一八二八一…二點五…二…一點四一四…一…負一開方…零！禮成！」「啪啪啪！」眾人鼓掌…
「恭喜晒兩位！」「女神又收服多條仔！」「阿爽好嘢！」「一個禮拜唔好抹嘴呀！」「偷食梗係唔好抹！」
Q：「咪玩呀！我有男朋友㗎喇！」
估唔到QQ塊面煲水煲到好似公主咁，平時對住同級佢都可以橫行霸道，但喺師兄師姐嘅調戲之下一樣難以招架。
文：「師妹塊面做乜咁紅呀？唔通妳對人哋有意思？」
怕醜樣嘅QQ，真係好得意，再加埋天使咁嘅面孔，魔鬼嘅身材…連飲酒都唔紅，但竟然…
財：「係囉，妳睇下人哋爽爽都無乜嘢。」
Q：「乜喎，係因為你哋咋嘛！」
財：「其實我想八掛下，阿爽你隻手到底搞乜鬼？」
「哈哈哈哈哈！」「佢琴日去同流浪狗足球特訓！」




啲隊友點會睇唔到，雖然佢哋無同我講啲乜。
Q：「佢？！不知所謂㗎！出面都唔知得罪幾多女人？」
「嘩！女神咁清楚嘅？」「人哋係好朋友嚟嘛！」「爽爽英雄出少年呀！」「睇嚟啲傳言並非子虛烏有呀下。」
文：「咁師妹妳咪蝕咗一啖畀個渣男，慘慘豬呢…」
Q：「咪就係你哋囉！重好講…繼續食嘢呀。」
QQ繼續扒埋啖豆苗落口，而塊面就一直紅落去…我哋兩個慢慢食嘢，清埋啲嘢佢。
「哈哈，社長，都最後一日，有無嘢同我哋講啫？」「有乜需求咪出聲囉，我哋好樂意幫你㗎。」「咪係囉，我哋最鍾意同師弟…青頭仔玩遊戲！」「使唔使姐姐帶你去酒吧？不過我哋都未夠秤，哈哈！」「不如幫你隻手加啲裝飾，等你唔使羨慕爽爽？」「哈哈，唔好唔捨得我哋…」「嚟，等師姐喂你食紅豆沙，食完就大個仔！」「食咗我塊合桃酥先呀！」「要洗濕個口先！」
佢兩個…飲多兩杯後更加過份，一人一邊搭住瘟神膊頭。
終於，食咗好多好嘢，個肚好飽，瘟神亦都走去埋單。
「阿爽！辛苦晒！畀心機做嘢，有緣球場上再見！」…




我：「Queenie，返屋企…小心啲喇。」
Q：「嗯…等你，返嚟。」佢好細聲同我講。
最後，我目送住佢哋嘻嘻哈哈咁離開，瘟神就繼續…
好！開工！出街食完嘢要執返自己張枱，呢種感覺都真係幾奇怪…呢兩隻，係文書同財政吮過嘅匙羹；呢塊，係文書姐姐咬過嘅半塊合桃酥。