為了實現媽媽遺願，我成為了女兒國唐僧: 936

於是我迮迮臨換好波衫出門口落返學校，至於QQ我就懶得理佢點嘞，反正最麻煩嘅阿健同埋YY已經知道咗佢嘅秘密，其他人相對上唔會太關心佢私事…
返到去摷咗陣就見到瘟神，其實佢一早就準備好，重叫我去到之後自己搵德爺謦掂佢，我見佢忙到一頭煙咁就唔再打攪佢，決定睇下阿健搞成點。
我：『喂，你出門口未？』
健：『差唔多啦，但我哋踢第二場喎。』
我：『我喺中心好悶，落嚟陪我打鋪棋當熱身。』
健：『做乜？某人唔得閒陪你咩？』
我：『人哋有人哋schedule嘛，佢會自己去。』
健：『咁好啦，難得你重有返啲人性。』
等咗十分鐘唔夠佢就落到嚟，由於呢大半年成日陪住QQ我打棋啲功力都生疏晒，所以唔使讓佢…
我：「低B咁大力做乜，小回喇！」隻棋未落地就俾我隻手凌空包住，睇嚟我反應都重係有嘅。




健：「嘿，無計，雄心壯志緊，一時忍唔住。」
我：「試下再大力啲，小回變大回㗎喇。」
健：「呢度預咗輸，一陣贏返你咪得。」
我：「哦，係呀，你唔好唔記得輸咗要點喎。」
健：「記得，所以留返畀你，我唔識揸女人波波。」
你試下喺女人面前講啲咁嘅嘢，即刻無火都變有火。
我：「理得你，總之你輸咗就自己搞掂佢。」
健：「哦…最多咪俾佢鬧變態，然後唔會再搵我。」
拜託，乜都已經幫你搭好晒棚，唔好咁簡單嘅嘢都搞到一鑊粥得唔得？正正經經講句妳波波又大又靚好想揸就掂過碌蔗，希望Bubble唔會俾你激到反艇。
我：「凡事無絕對嘅，可能佢會short咗畀你揸呢？」




健：「同人唔同命，你估我係你咩，這些機會不是我的。」對住佢真係無嘢好講，難怪QQ對佢零興。
健：「望住你隻手，就知道無論你做埋啲幾過份嘅嘢，都可以唔使做輸嗰個。」
我：「呀…唔好提，無乜特別，我無對女人做啲乜。」
只係呃咗QQ同埋夾硬扯開YY底褲睇閪，係咁啫…
健：「係Kuromi做嘅好事？」
我：「一部份啦，一言難盡，但唔係玩出嚟…」
健：「睇得出唔係玩…我都想俾Kuromi咬下。」
我：「吓…乜你…對佢重有感情咩，而家都知道晒…」
健：「無感情，只係羨慕你可以同佢相處融洽，就算唔再鍾意佢，都要承認佢係靚女嘅事實。」
我：「係呢，佢話琴日撞到你，有無講啲乜？」




健：「無特別喎，佢問我去邊，我咪話出旺角買二手書，佢重叫我睇下有無平，啱晒嘞，我幫你買咗套數學書，過一兩日你上嚟囉啦。」以朋友嚟講佢就幾好嘅。