為了實現媽媽遺願，我成為了女兒國唐僧: 926

Q：「你個好朋友，買緊課室內的五種女孩嘅傻仔健。」
！？我：「嘩呀吖！啊啊吖！」佢突然由呵呵下我變成一下大力咬落嚟，重大力過YY，而且係我手臂內側白色嘅嫩肉，重要不停增加力量，我感覺到撕心裂肺嘅痛，唔止肉體上嘅痛，重有心靈上嘅痛，我嘅眼淚隨即自動決堤…
我：「嗚…嗚嗚嗚嗚…」我跪咗喺度，抱住佢隻大髀喺度喊，眼淚鼻涕都出晒嚟，今日…兩個女仔咬完我之後我喺佢哋身上喊。
QQ…我好愛妳，點解我要咁，我唔想有嘢瞞住妳，我好想打開個心畀妳睇，將一切心底話講晒畀妳知…但為咗妳，我唔可以，因為會令妳難做，妳點睇我，無論當我係妳邊個，我都接受到，因為我個心已經屬於妳…我好懊惱，今日我掂咗好多女仔，點解我會有反應，明明我最後諗返起嘅都係妳，而我竟然為咗啲無聊嘢傷害咗妳。
Q：「仆街仔，咪整污糟我條睡裙呀。」佢抽起咗條靚靚睡裙，入面係條底褲，但我完全無心情…
Q：「咁你有無去到書展？」我伏喺佢大髀上面擰頭。
Q：「有無去到修頓踢波？」我再一次擰頭。
Q：「有無同一大班人上M記食嘢？」第三次擰頭。
Q：「重記唔記得點解俾韻婷車咗一巴？」我心如刀割…
我：「Queenie，對唔住。」我岳高頭用個貓樣對住佢，我嘅視線就好似黑雨中一架壞咗水撥嘅巴士咁，但濛瀧之間仍然望到佢好唔開心嘅樣，係傷心大過嬲。




Q：「我知你點解要呃韻婷，但係…我完全唔明點解你要同我講大話。」我完全失去解釋嘅勇氣。
Q：「我哋已經日日對住超過半年喇，我自問乜都肯同你講，無嘢係唔話得畀你知，衰到你八我同男朋友扑嘢有無用套，中出定外射都講埋你聽，而你竟然為咗瞞住我出去同女仔玩而講大話呃我？」
我唔係出去同女仔玩，我有苦衷。
其實妳都有嘢瞞住我，惜咗瘟神一啖無同我講，但我當然唔敢出聲，而且我都唔可以俾佢知道我知道呢件事。
Q：「我寧願你忍唔住同女仔衰完十一返嚟同我認錯，都唔想你自欺欺人扮無嘢，我講過既然一齊住，就要接受對方嘅所有嘢，包括埋缺點，我好似無畀過任何壓力你？我知你惜我，所以我都會對你好，希望你喺屋企可以做返原本嘅自己，當我係自己人，唔使介懷我嘅存在，但係如果你小小嘢都選擇去呃我，遲早我哋就會瞞來瞞去，咁將來嘅生活就會過得好辛苦…」
我：「嗯…我錯得好緊要。」