為了實現媽媽遺願，我成為了女兒國唐僧: 920

我：「我鬼識咩…出個人畀妳就得，但…我唔會背叛QQ…」只要我理智一日尚在，都會忍住。
Y：「唔使咁驚，我唔係集郵女，對你嘅身體亦興趣不大，唔會專登迫你做啲抗拒嘅嘢，你同QQ嘅事，我唔識幫你，亦無諗住攪亂檔，只要你夠乖嘅話…但如果有一日我再叫你做愛，我希望你唔會拒絕，而且好好對我。」
我：「睇嚟…我係無選擇嘅權利。」
Y：「無㗎喇！你唔止食過我口水，鬼叫你夾硬睇過我個閪，呢啲嘢好邪㗎，你要成世聽我嘅話。」
我：「好好好，但拜託唔好擾亂我嘅生活。」
Y：「Yeah，我當你應承㗎喇，你未睇過Queenie個閪，但睇過我嗰個，我贏咗！」佢企喺身叉腰擺個V字。
可以將個咁可愛嘅少女pose同個閪字無縫咁連接埋一齊，天下間重有無第二個…呢位姐姐…
我：「妳嘅黐線，實在係出類拔萃，可昭日月。」
Y：「嘻嘻，多謝你讚我喎，不過呢，你對住QQ又唔使咁灰嘅，好好珍惜你擁有嘅嘢，有啲嘢人哋恨都恨唔嚟。」
我：「我有乜？四肢健全，頭腦簡單，五官尚在？」




Y：「唔係呀，係運氣，成功嘅必要因素。」
我：「Yvonne咪玩我啦，我有運氣就唔係而家咁款。」
Y：「每個人，都有佢哋嘅運氣分佈，唔會成世人都咁黑嘅，除非佢上一世太好運又或者壞事做盡，有啲人可能將所有運氣用晒落出世嗰一下度，亦有啲人開衰咗個頭，慢慢爬返上去，苦盡甘來，只要你夠堅持，用下你個豬腦，把握每一個機會，意想不到嘅結果就有可能發生。」
佢哋呢種人，唔止團長同奧丁識㞗吹，就連YY都可以出口成文；同一時間，我拉高佢衫腳，佢亦由得我細心咁望多佢一次條橙色bikini，原來就咁企喺度都會有少少毛露咗出嚟，唔怪之得佢咁堅持死都要著條波褲喺出面…反而小公主就唔小心俾我望到，諗返起都幾奇妙。
Y：「如果你真係咁黑仔，今日就唔會俾你食得出鋪小三元，你亦唔會玩得咁開心…睇夠未呀，仆街鹹濕仔！」
佢一下手刀大力劈咗落我臂頭，我夠硬淨，無事。
我：「唔係鹹濕，我喺度崇拜緊姐姐。」
Y：「你試下再講，信唔信我扯甩你包皮。」
或者嚟到而家，我已經願意攞個身體出嚟畀佢玩，但諗一諗都係唔好，因為會痛，而且唔公平。
我：「唔好，靚靚又可愛嘅Yvonne妹妹放過我啦。」




Y：「呀，係喇，今日贏咗三千幾蚊都係全靠你，夠冚晒今日啲使費，不如…我唔係幾清楚你同Queenie而家乜情況，但如果幫到你嘅話…」
佢攞咗兩張啡光閃閃嘅五百蚊出嚟，係好吸引嘅…
我：「多謝，但唔可以，如果QQ知收妳錢殺咗我都似。」我忍住隻好想遞高嘅右手。
Y：「又唔可以咁講嘅，你贏返嚟㗎嘛。」
我：「唔係自己打本玩，就唔應該當係自己贏。」