thriXt Qantasy 純文字安眠之作 (New: - U2K - 一直上架): 893

而佢亦非常聽話，企定定咁俾我取景。
我：「啱喇，嚟個港女公主病嘅招牌嬲豬樣。」
一早講過，佢就係呢啲麻撚煩難招呼嘅港女，諗都唔使諗就擺啱晒啲眼耳口鼻，勁想一嘢就推佢落床…今次我開埋補光令到啲相有更大嘅反差，換咗幾個角度又幾張。
我：「搞掂，交得功課。」我順勢攬住佢，等佢啲波肉印落我心口，話晒女朋友好應該奬勵下努力嘅男朋友。
Y：「喂，做乜喎，點解幫我紮頭髮？」
我：「因為男朋友鍾意囉。」以前成日貪得意幫細蚊紮噴水池，因為佢細細粒好襯低B妹咁嘅樣。
而佢的確係低B嘅，如果唔係點會益我初夜重同我一齊。
Y：「哎吔，咪玩啦，天黑喇，我都要著返件衫。」
我：「嗯？怕唔怕妳件泳衣整濕件衫呀。」
Y：「上嚟攤咗成粒鐘喇，乜都乾啦。」




於是我同佢一齊著返件衫，本來以為佢呢啲港女會好姿整，甚至連底衫褲都會帶多套嚟換嗰啲，估唔到佢all day一set bikini就算，瀟灑得佢吖…原來富貴人家啲脾性真係幾難估，正如我初初以為QQ係啲超斯文規矩企理嘅女仔，點知佢話咁快就放飛自我喺我面前隨意飛釘，擺到周圍都係佢啲底衫褲…
我：「不過條褲都重係濕濕哋…」
Y：「嘻嘻，咁我除咗佢咪得囉。」呢個女仔實在十分趣緻，就好似衫同褲係永遠唔可以並存咁，佢烏低身除咗出嚟，好用力咁拍走啲水，然後對摺再對摺放入袋。
Y：「喂呀，咪咁鹹濕啦。」
我：「我鍾意女朋友嘅屁股。」重好想打落去添。
Y：「Sorry，我淨係用前面，唔玩後面嘅。」
都唔知乜鬼對話嚟…其實我對後面無乜興趣，同細蚊嗰陣都無試過，反而我就俾架大卡車修理死氣喉。
Y：「差唔多開船回程喇，我哋落返去抖下啦。」
入返內艙，原來佢哋喺度唱緊K，正確啲講應該係班妹唱緊，廿幾條友得嗰四枝咪又點會輪到啲仔唱吖；不過呢，對我呢啲五音不全嘅人嚟講就啱啱好，聽下女仔唱歌咪算囉；而公主亦都已經同其他女仔混到好熟，反而身邊嘅Charles仔就俾人隔離咗咁，無㗎喇，祝你好運慢慢等到條女十六歲，女朋友呢個名虛銜嚟嘅啫，如果佢唔係真心鍾意你，所有嘢都係得個樣。
雖則我唔太清楚QQ有幾鍾意條仔，但絕對唔係虛銜…




「你我曾在夢裡，暗中相約在這夏；承諾站在夕照後，斜陽別你漸離去；亦會不歸家，期待我嗎…喂！你做乜插歌呀！」
A：「咁好嘅歌，有黎明唔唱，唱衛蘭都有嘅…」
「乜喎！咁我哋女仔嚟㗎…係囉，咪又係我哋把聲！」
A：「唔關事，聽到啲讕係心情小清新嘅編曲我就打晒冷震，唔好迫我。」睇嚟佢都有某啲潔癖。
「衛蘭有乜唔好呀？！起碼都係實力派嚟。」