thriXt Qantasy 純文字安眠之作 (New: - U2K - 一直上架): 892

同一時間，奧丁搭住YY膊頭，幾隻手指好似蟲仔爬下爬下，降落喺佢北半球啲波肉上面，再當係弦線咁㩒落去。
絲：「喂！你隻手喺度做緊乜？！」
丁：「乜喎，Charles都有得試玩，我audit下咁啫。」
絲：「鬼叫你打牌咁廢，如果唔係乜都有得你玩啦！」
兩個大細路圍住YY轉呀轉，蜜絲追極都打唔到左閃右避又搵YY做擋箭牌嘅奧丁，於是乎我過去拖走YY，嗰兩隻嘢就繼續喺甲板上面追來追去。
Y：「你今日真係受歡迎嘅啫。」
我：「咁都係全靠妳幫我執過啫，平時又點會…」
Y：「係咪覺得呢個look去見QQ連佢都會迷上你呢？」
我：「呢個…邊有咁易喎，嚟吖，我幫妳影多幾張靚相。」雖然我無話特別鍾意佢，亦唔係敗倒喺佢嘅美色之下，但美景當前作為一個男朋友係有責任幫佢記錄低青春的一剎嘅，無謂留低思念變成聽日嘅唏噓啦。
日落去到交界點，海平線上染成由橙黃色漸變成紫藍色嘅晚霞，再倒影返落水面嘅波紋上面，估計起碼都要有張RTX3080嘅display卡先可以模擬渲染到咁絢爛嘅色彩。




我：「唔使望鏡頭喇，挨住個扶手就得。」
平時成日睇靚女寫真，藝術feel嘅又有，純美嘅又有，小清新嘅又有，剝光豬賣弄可愛嘅又有，淫到七彩潮吹緊嘅都有…重點係，睇得多大概識點影。
Y：「咁我應該望住邊度呀？」
我：「嗰邊啦。」我求祈指住個海，同落日成四十五度方位角，等我可以影到更加多海面嘅光暈擴散區。
Y：「嗰邊即係有啲乜？」
我：「有妳心目中最好嘅男朋友喺度。」
就係咁，我將佢望住個海痴心妄想嘅眼神…sorry…係充滿憧憬遐思嘅表情記載入電話嘅記憶體內；我諗如果我唔識佢，望到呢啲相嘅話，應該都會鍾意佢加埋想識下，就好似阿健俾Kuromi嘅沙灘背影呃晒咁。
夕陽一瞬即逝話咁快就沉入水面瞓覺，天色亦漸漸變黑，我想幫佢影啲我私心鍾意嘅相。
我：「反轉個人，背脊挨住條邊吖…欸，想問妳有無紮頭髮用嘅橡筋？」
Y：「嗱，喺度，你到底想點？」




我：「擘大口先。」我想迫佢咬住個圈，然後再…
我：「兩隻手放頸後面整理頭髮吖，好似平時就得。」
咋一聲就影咗幾張，比堅尼再加呢種開合感呢…
我：「而家用一個不屑嘅眼神斜望上嚟吖。」掂，cool爆，兼且重幾乞人憎嘅樣。
我：「然後…」今次我索性捉住佢隻手擺姿勢，左手舉高伸直，右手反扣左手手臂；唔好問我點解呢啲姿勢似曾相識，要知道本本寫真集其實都如有雷同。
我：「隻腳叉開少少吖。」我直頭拉低埋佢個Bra，等北半球更多奶肉走出嚟，再推一推個shape；其實最可惜嘅係佢著住條褲，如果唔係一定更加靚，當然我亦都唔會好意思為咗影相叫佢除褲，雖然係男朋友啫。