為了實現媽媽遺願，我成為了女兒國唐僧: 871

我：「就咁先啦，上嚟妳先慢慢tune。」日日對住QQ，我已經慣晒女仔啲指定動作，雖然佢tune Bra嗰一下就只會喺佢出街前先見到，我就好鍾意望，成日期望佢揦得太多擺埋對波出嚟…
P：「唔該晒你…」港女聽話嗰陣其實好可愛。
我：「著好衫就上嚟啦，我載妳返過去。」
P：「我可以點上嚟？」
我：「咪用力拉自己上嚟，爬下爬下咁。」
由於架船仔喺水上面需要平衡，我就瞓低個人輕微側向另一邊，大家自行想象啦，公主就用手戳咗自己幾下，剩係個頭突咗一突上嚟。
P：「我唔識，唔夠力。」簡單嚟講，佢做唔到引體上升，喺泳池要靠條梯先上到嚟嗰啲。
我：「咁妳自己游返去囉，或者捉住我船尾。」
P：「唔制，你幫我上嚟。」
我：「吓，我可以點幫妳…」於是我伸出雙手，俾佢捉住我嘅手腕，而我又扣返實佢嘅手腕；呢啲高貴嘅女仔隻手就同QQ一樣又白又滑，摸起上嚟好舒服，好想俾佢非禮。


我用力一拉，同時扯後自己嘅上半身嚟平衡。
講就易，隻船仔左搖右擺，我哋兩個又唔係玩開water sport，邊似得奧丁同亞緹蜜絲兩隻嘢可以經常喺水上面進行喜歡進行的動作，就連天后娘娘同波塞冬都會保佑佢哋出入平安，米缸常滿。
我：「妳要用力打橫扯隻腳上嚟㗎！我無位褪後。」我半個人扯咗出水面，而佢就上半身趴咗喺船上面，對白滑奶搖下搖下，差少少就睇到啲唔應該睇到嘅嘢，但呢個環境我重邊有心情昅嘢。
P：「我…我試下…嗯…噎…吖！」…。
我：「吖吖吖！我雞雞呀！」
佢本身扯咗一邊髀上嚟踩住個內邊，諗住借力拉埋另一邊身上嚟，點知滑腳跣胎，一嘢戳咗上半身埋嚟，手踭狠狠咁重擊咗落我下體上面。
我痛到雙手抱住自己條腸仔同兩粒貢丸。
P：「對唔住…你無嘢吖嘛？」好消息係佢上咗嚟。
我：「死唔去…俾我抖返一分鐘鎮定下。」呢刻我望住佢跪趴喺度受地心所吸嘅波波，然而…
過咗一陣之後我終於抖返順條氣，公主亦都四平八穩咁坐咗喺我嘅對面；平心而論，單論第一印象佢外表正過YY，輸QQ少少，唔計樣嘅話有啲似係有波嘅Zilvia；要搵缺點嘅話就係無乜特色，特色可能就係一個標緻麻煩嘅港女。


我：「咁我哋而家撐返去咯。」
P：「你無事就好。」睇佢樣都唔似衰女仔嚟嘅。
點知我一放枝漿落水，天色突然暗雲密佈，再刮起陣陣怪風，水面翻起一層層嘅湧浪。