為了實現媽媽遺願，我成為了女兒國唐僧: 870

P：「呼呵…呼呵…呼呵…」佢雙手扶住艇邊，好唔自然咁夾實對手，應該係怕我會睇到佢對波。
我：「做乜游咁快呀，可以抖下㗎嘛。」
P：「我游水唔叻，識游但係唔識停…加埋啲酒…」
睇嚟又係細細個畀錢去泳會游嗰啲，喺個泳池死爬爛爬不停游，根本就無考慮過停嘅問題，然後學完就當識咗以後好少玩水。
我：「咁如果無岸邊又無船咁點算？」
P：「勉強…可以轉做背泳嘅，但係我而家咁樣…不如你畀返套泳衣我先啦。」
我：「嗱，泳褲呀…小心啲著，唔好跌落海底，我無信心可以潛落去執返畀妳。」
P：「唔好講得咁恐怖啦，如果真係跌咗都唔知點算…」佢放長隻手等個人沉啲，右手攞住條褲放落水底，左郁右郁咁套隻腳落去，好似十分艱難，又係嘅，佢咁驚個身浮上嚟畀我睇蝕。
我：「如果真係跌咗，我勉強可以分條褲畀妳嘅，我呢度有兩條。」迫佢著入面嗰條應該幾得意，但如果著出面果條就實走光，好難取捨。
P：「先唔要著你條褲囉。」




我：「咁我從來都唔介意同裸女撐艇仔嘅。」
P：「你叫佢哋攞條褲出嚟救我咪得囉。」
好，就劈低妳喺海中心等妳個男朋友仔執手尾。
搞咗半分鐘到，佢終於著返好條泳褲。
P：「到我件泳衣喇…」佢怕怕醜醜咁講。
我：「有無得睇下對波波先？」唔知點解我俾以前個交叉仔上咗身，可能YY攪到我神經失常。
P：「可唔可以唔好呀…你女朋友講過你唔會蝦我㗎…」委屈嘅妹妹仔真係特別可愛，唔似得啲會隨隨便便夾硬嘴人嘅女魔頭…朋友。
我：「妳話唔得咪得囉，女仔要學識嗌唔好㗎，我都係撞下彩咋嘛，嗱，妳件泳衣呀。」佢右手接過，開始咗極其漫長艱難嘅著衫之路。
要記住佢嗰件唔係蜜絲嗰啲過頭笠，而係綁帶款…佢隻手鬆下又甩下，踩水廢到一個點，沉咗落去又要捉返上嚟，搞咗成分鐘先套到條頸帶，兩塊布pad重喺水面度浮下浮下。
我：「如果妳唔介意嘅話，我可以幫妳綁背帶…」




P：「你…唔會對我做啲乜㗎可？」
我：「如果我要喺度對妳做啲乜妳認為有得反抗咩？嚟啦，信我啦，非常專業，一係妳自己慢慢喺下面玩多五分鐘。」
P：「咁你幫我啦。」
我趴喺架艇上面，佢雙手扶住條邊，我傍住佢膊頭，伸手圈住佢嘅上半身，捉返兩條帶，將個pad壓返實落佢對波上面，拉條帶去後面打咗蝴蝶結；搞掂，雖然係好親近下，但係確實無對佢做啲乜。