為了實現媽媽遺願，我成為了女兒國唐僧: 868

Y：「如果佢敢對妳做啲乜就同我講，或者直接閹咗佢就得，條友得個樣㗎咋。」
絲：「閹咗之後咁妳用啲乜？」
Y：「欸…借妳條仔嚟用下？」
Q’：「咪講笑啦，人哋好緊張㗎。」
絲：「輕鬆啲咪幾好，一下就跳到落去，重簡單過破處。」某程度上我都同意嘅…
P：「跳落去…唔會整穿處女膜㗎可？」
絲：「哈，妳驚呢樣，絕對唔會啦，腳落水先㗎嘛，點會撞到嗰度。」
P：「咁，我試下啦…而家除泳衣？」
Y：「嗯，放心啦，佢喺妳後面，我哋三個昅實佢，唔會俾佢䚎到啲乜。」乜玩法嚟，我係贏家，但係又要唔俾我望，其實我唔係好恨。
公主後手解開個結，攞咗個Bra出嚟，左手遮住自己上身，右手遞咗塊布畀我，然後右腳䠞起，右手小心翼翼拉低塊布。




丁：「阿爽你有無人性㗎！有無當過我哋係兄弟！你呢個獨食難肥嘅叛徒！」救命，我哋識咗三個鐘咋，就叫我做兄弟，而我亦都唔知Charles佢點諗，唔知想唔想我遮住呢？
絲：「收聲呀！再嘈餓你一個月！」即刻見效。
跟住到左腳…我又接收多一塊白布。
Q’：「嘻，Priscilla妹妹副body真係好好。」
P：「多謝Queenie姐姐…」
絲：「大個女喇，深呼吸，勇敢啲跳落去，記住用力，唔好撞到船邊…」
話口未完，一條肉蟲就skinny dipping咗落海。
「噗。」唔係好大聲，過咗一秒後就浮返上嚟。
丁：「喂，咪捉住我！我要睇裸泳！」
裸體公主跳咗落去，Gabriel都放返手，兩個死細路衝咗埋嚟船尾睇女；明明係自己條女，Charles都好似未睇過咁，似係猴擒多過緊張俾人睇蝕，都唔知搞乜鬼，可能公主真係同佢食齋only。




公主喺下面游緊自由式，都幾標準下。
丁：「嗯…唔錯，其實我都幾鍾意呢啲港女身材。」
C：「嘻嘻，使乜講，我女朋友喎，梗係正啦。」
睇嚟佢覺得自己威威重要過條女俾人睇蝕。
丁：「呢啲pat pat夠晒纖巧，白得嚟又圓圓地，真係令人唔捨得打落去。」呢隻奧丁都幾放肆，好似當身邊其他三個女仔唔係女仔咁。
絲：「乜我而家又唔係港女嗱？」
確實香港地有幾多女仔好似佢咁fit…
丁：「身形嘅話係澳洲戰鬥袋鼠娘，絕招係袋鼠直拳同埋旋轉嘩！呀呀呀呀…呀…噗！」然後佢就俾人用袋鼠旋轉踢飛咗落海。
Q’：「你唔好游過去騷擾人呀！」
絲：「夠膽你就過去，我由頭至尾剪走晒你塊包皮！」腦海浮現出一條完全無皮嘅香蕉，應該…




Y：「你重企喺度做乜？！快啲落去攞架船仔接人哋返嚟呀！」係喎，差啲唔記得佢係我嘅奬品。