為了實現媽媽遺願，我成為了女兒國唐僧: 866

死就死啦！我啪！有啲痛添。
我：「嗱！毛呀…」
丁：「哈哈哈！如果唔係睇住摘出嚟我以為係鼻毛嚟。」有無咁嚴重呀大佬。
絲：「係你啲鼻毛長啫，早就應該射啲死光入去。」似乎呢個女仔真係好鍾意光脫脫。
Q’：「嚟，黐喺個杯邊度先，呢杯就係cockhair。」
我想噗哧，乜春雞頭毛酒？但望到公主個樣我就笑唔出，Queenie將個杯轉咗半圈用我條杯邊毛對住佢，此情此景實在令人難以形容。
煮到埋嚟就要食，公主用左手摙鼻…
Q’：「得一條毛應該無味嘅，又唔係青蛙蝸牛蜘蛛呢啲。」喂，唔好越講越恐怖嚇妹妹仔啦…
Y：「無嘢嘅，我有督促佢好好沖涼，平時我咪又係咁放入口。」嘩！真係女中豪傑…
最後，公主將杯邊放近嘴唇，連埋我條毛一飲而盡，剩返幾粒冰喺度，再粒聲唔出。




絲：「真係簡單，我個屁股重痛緊呀。」
Q’：「好喇好喇，唔好再講罰喇，嚟下一圈。」
第七圈，西圈，戰鬥繼續。
P：「喂！你都無嘢幫到手，落場幫我追返啲呀！」
C：「好好…我盡力呀下。」
Y：「我想講，無晒紙仔喇喎，今圈罰乜？」
絲：「嘩，你真係想咁樣益自己條仔？」
Q’：「全部女都俾妳條仔玩勻晒喇！我哋無所謂呀，但對我哋partner好唔公平喎，咁多點追？」
G：「畀多八圈我都或者有機嘅。」
絲：「唔使寫紙，如果我再輸就喺妳面前同妳條仔纏綿，保證佢一定滿意罰則。」




丁：「佢哋咁忙不如我同妳落去玩，但我又想打pat pat…」
Y：「我打你pat pat就得！」
丁：「都得，但我比較擔心打痛妳隻手。」
Q’：「算啦，就咁打埋呢兩圈埋數，係時候落水。」
我作為贏家，又唔怕會輸咗自己條女出去，當然想將所有女仔上下其手，不過都係得些好意須回手，人哋條仔都喺度，點好意思玩到上床喎…
C：「碰…碰…碰…」五筒，九筒，四萬打二筒。
G：「嘩，使唔使咁快呀，對對糊就封自己九章。」
好難講嘅，及早食糊唔係錯，但如果博埋混一色就多八倍錢，我唔識計係咪難八倍嘞…甚至乎清對都有可能令佢一鋪返生。
C：「咁都重有隻正花喺度嘅。」
G：「預祝你可以快快脆脆自摸五番。」




C：「承你貴言…碰！雙番西！」蜜絲打嘅。