為了實現媽媽遺願，我成為了女兒國唐僧: 857

Q’：「咪嘈呀你，都話要培養感情咯，我輔導緊細佬吖嘛！」我唔細㗎喇，咪差妳一年到…
Q’：「嚟啦，挨住我，擘大個口。」
我聽姐姐話靠近佢嘅身體，好彩佢心口無乜size唔使驚壓親佢對波，而佢嘅身高亦令到我唔使縮低就佢；然後佢舉杯飲咗一大啖落口，再嘴貼嘴，唔係一次過倒落我個口度，係駁住咗慢慢吞吐輸送過嚟，呢種感覺好親密、延綿、溫暖，再加上我本身就有嘅戀姐情結，我個心突然間跳得爆快！
而我亦唔可以怠慢，姐姐一吐啲酒液入嚟，我就要將啲液體吞晒落肚，唔係就會泌咗出嚟。
一啖，兩啖，三啖…雖然杯酒唔係好滿，都要去到第六啖先傳送晒入去我嘅身體度；去到最後佢好似想將喉嚨黐住嘅幾滴都推埋過嚟咁，重捉住我塊面，伸埋條脷入嚟。
唔得，我失去理智，身體嘅操控權交咗畀本能，自然咁用返我條脷纏住佢條充滿酒香嘅舌頭。
然而，每一次親近女仔，腦海之中就會閃過背叛咗QQ，雖然我無承諾過佢任何嘢。
但，實在係太舒服，假如得我一個人，我早就翻撻細蚊，生擒Angel姐姐返屋企，再邀請Wendy嚟同我研究人體的奧秘…咁，算唔算係不羈？
丁：「喂！你兩個睇下，佢哋over晒喇！」
唉！死火，我不自覺咁攬埋姐姐條腰添…而且，下身唔多唔少都有啲反應，好在條所謂泳褲限制咗小笨象嘅活動空間。




俾條混吉打斷，姐姐都鬆返開我個口。
Q’：「做乜呀！唔抵得有個可愛嘅男仔俾我調戲呀？我費事你哋話我揸流攤呀！」
絲：「家陣好似妳先係輸嗰個喎，做乜搞到想食埋人哋條仔咁樣嘅？」
Y：「唔好講我聽！我乜都唔想知！」佢撓埋雙手喺度扮火滾，睇嚟啲女神個個都有金像獎潛質。
Q’：「Xavier，點呀？係咪覺得姐姐正啲呢？」
我：「其實我…不朽都有啲姐控…」
絲：「嘩嘩嘩，死火喇，姐妹鬩牆喇！」
Y：「攞去玩啦，唔使還返畀我喇！」
Q’：「嘻嘻，過去氹返女朋友啦…同埋放心，我好耐都無oral job過㗎喇。」欸…佢竟然驚我擔心。
我行過去YY度，Gabriel搵返自己條女，奧丁兩隻嘢瘋狂食花生，公主佢哋竟然無乜聲出，而且有少少面紅耳赤嘅feel；哼，青頭仔女。




望住個假女朋友喺度呷醋，都唔知喊好定笑好。
不過，我其實都只係佢隻玩具嚟，所以…
我：「YY原諒我啦，係我曳，我知錯喇！」我跪咗喺佢面前，就好似我哋呢段奇異關係開始嘅第一日咁。
絲：「啱喇，起碼要佢一路跪LEGO一路舐閪先可以原諒佢！」呢條女睇怕都已經醉咗。