為了實現媽媽遺願，我成為了女兒國唐僧: 856

Q’：「女方用嘴喂男方飲一杯highball。」佢面不紅耳不赤咁讀出嚟，相反我就聽到個心卟卟跳。
Y：「哈，贏咗反而要罰飲，蝕咗喇你，無眼睇。」
可能因為明知係假，反而覺得港女幾過癮。
我望一望Gabriel，覺得有啲唔好意思，始終都係一個哥哥嘅女朋友，點知佢走咗埋嚟我身邊。
G：「佢個嘴OK㗎，好好享受下。」
我心諗，社長佢哋嘅賭局係因為Bubble唔想攞二千蚊出嚟先變咗做打茄輪，而我而家…某程度上好似重激啲添，因為會有好多液體喺佢個嘴入面流入嚟我個嘴度；睇怕，出面有好多人都係玩到咁癲，而唔係剩係得Carmen一個係咁。
公主佢哋兩個有啲唔知點，我心諗只要唔係佢哋輸應該都會無乜反應；奧丁兩公婆就望住Queenie喺度奸笑，睇怕好鍾意食花生。
Q’：「哎呀！唔好圍住我，我要培養心情先！」
跟住佢斟咗一杯highball，拖住我隻手仔行去側邊嘅位度坐低，其實我有啲怕醜，但…我哋都就快嘴對嘴，咁重介懷乜嘢拖手喎；不過我就唔敢望住YY喇，雖然我同佢嘅關係只係一場戲。
Q’：「唔使咁緊張喎，我都無所謂。」




我：「玩下啫，妳係咁意放落我嘴度就得。」
係囉，用口喂我啫，無話要貼到實嘅，我諗。
Q’：「做乜呀，好唔想同我惜惜咩？」
我：「點會喎，費事咁過份啫，禮貌嚟。」
Q’：「姐姐我唔多鍾意啲咁有禮貌嘅男仔㗎喎，定係…你驚之後女朋友仔嬲嬲豬咋？」
我：「佢？我先唔驚，嬲飽佢。」
Q’：「口硬啦你。」唉，又唔係真，我都唔知…
我：「咁妳又唔驚男朋友佢唔開心咩？」
Q’：「無喎，我想睇佢呷醋多啲。」
我：「咁…妳話事啦，我個口就喺度嘞。」




Q’：「其實你頭先打隻三萬畀亞緹蜜絲上嗰陣，我係可以食咗佢㗎。」佢超細聲咬我耳仔。
我：「吓？！咁點解？」我俾呢個資訊驚嚇到。
Q’：「因為我想睇你哋做乜牌，有無得食，你使唔使包自摸，好玩過我食啲三四番。」
吓，而佢條仔竟然喺佢後面由得佢…
我：「妳有扣牌啫，無諗過我哋會自摸咩…」
Q’：「你唔係認為我會驚輸呀嘛，最多咪裸泳。」
我：「Queenie姐姐…妳好鬼正。」
丁：「喂！你兩個係喺度玩罰game定拍拖㗎？謦咗成分鐘喇！」