為了實現媽媽遺願，我成為了女兒國唐僧: 853

派完牌，我心入面屌咗一聲…唔係，係屌足三聲。
我：「想問下…有無十三不靠呢樣嘢㗎？」
絲：「乜事呀，係妳條女話要打清章㗎喎，唔好同我講綠一色、紅一色、藍一色呢啲。」
我：「我見過有人打香港牌不靠會再洗牌啫。」
P：「無呀，做十三么囉。」
Q’：「唔好望住我，幫唔到你，祝你好運。」
我：「唔通就係傳說中嘅三娘教子，好！我聽妳哋話唔反抗就做十三么。」
C：「有志氣！不過我哋快啲打晒啲么九先。」
今日呢個位啲牌都幾爛下，頭先睇咗YY打咁耐，就算佢唔係叻都叫做正正常常，無理由要輸咁多，而而家擺喺我眼前嘅係…
一四八索，二五八萬，二六九筒，東南中白。




得六隻么九，做條毛咩，出面個個阿公都話做十三么最低限度係起手七隻，六隻都夾硬嚟就係癩蛤蟆想食天鵝肉，屋邨仔想溝右女神，門都沒有！因為衰到連一番門風都無一隻。
我摸第一隻牌，係紅中，唔通天無絕人之路？
Y：「專心打啦，唔好諗衰嘢，就算你食十三么我都唔會畀你中出。」佢咬我耳仔。
我：「咁如果外射呢？」我咬返佢耳仔。
Y：「考慮下啦，有機會嘅。」
開始覺得呢條黐線女幾正，同佢溝通可以全無下限，雖然佢玩我都係毫無底線…
絲：「你兩公婆諗完未呀！做十三么要諗？！」
係咁俾人話兩公婆我都有啲唔好意思，明明我已經毒男咗大半年，雖則身邊多咗好多女仔。
我：「咁有啲嘢係要請示下老婆先嘅…八萬呀！」
絲：「上！卡窿，多謝晒。」頂，又做清一色…




我：「碰碰碰！紅中！」
Q’：「唔使咁緊張喎…佢係你上家嚟，唔使搶。」
P：「喂！又話做十三么，講大話呀你！」
我：「呢度有一番吖嘛，袋住落袋先囉。」
P：「哼，男人都係無口齒，貪小便宜，鍾意速食。」點解我碰隻紅中都要俾妹妹仔批鬥…
我：「我女人唔介意咪得囉，畀隻雀仔妳！」
P：「碰！」屌！有無碰得咁應呀…
絲：「該煨咯，人哋老公畀隻雀妳要得咁開心。」
Q’：「直頭要搶添，原來公主妹妹要三隻雀仔先夠，Charles你因住呀。」
飲完幾杯，啲姐姐就喺度放肆咁調戲細路，Charles毫無還擊之力，而公主塊面就煲緊水；唔理咁多，我首要任務係拯救八婆於水深火熱中。




我再攞牌，係發呀！拍埋去都幾靚嘅。
過咗好多巡之後，我手上嘅牌變成咁樣。
中中中二三五五萬東東東發發白，摸隻五萬。