thriXt Qantasy 純文字安眠之作 (New: - U2K - 一直上架): 841

H：「乖啦，Kristy聽哥哥話，細路女唔好飲咁多酒。」咪係囉，一早同細蚊講咗…
「佢哋都係大我一兩年咋嘛…」
H：「咁就下年先啦。」佢好適合做阿媽…
小妹妹亦攞走咗佢杯西洋版鹹檸七。
H：「唔該我要杯scotch on the rocks。」
A：「乜而家啲白衣天使咁唔惜身㗎咩？」
H：「一次半次啫，好過啲指揮偷偷地去開disco。」唔得呀，呢班人實在係太正！
A：「呀爽，唔好顧住睇戲啦，望下你兩枝叉。」
我：「嘩！嘩呀！做乜郁咗㗎！唔好燶呀，媽咪…」
就係咁，我最後都成功攞返啲食物同飲品返去YY度，佢就一副悠閑咁影下周圍嘅相，睇嚟係放IG用，等QQ睇下佢玩得幾咁開心。




Y：「咪住，等我影埋先。」佢攞住隻酒杯，好專業咁將纖幼白滑嘅手指同閃爧爧嘅指甲對焦。
今日嘅佢其實都有悉心打扮過，係我無視咗…
Y：「橙色嘅cocktail…都唔錯呀下。」
我：「嗯，同埋團長嘅手勢好似幾專業。」
Y：「唔花心思，唔擺精力，唔使下錢又點玩女人喎。」好難想象一個女仔漫不經心咁講呢句嘢。
我：「妳會唔會想俾佢玩下？」
Y：「唔到我想，佢唔會掂呢度嘅女人。」
講完佢就若有所思咁呷咗兩杯各一啖酒。
Y：「嗱，畀返呢杯你。」
我：「其實，Helen姐姐係咪一個超乖嘅女仔？」




Y：「咪好似你見到嘅咁，重幫手睇住啲細嘅。」
我：「但佢竟然會齋飲威士忌…」
Y：「人哋都應該十八歲啦，你理得人吖…雖然你同呢度啲人唔熟，但你聽完就算喇，聽聞佢中四嗰陣搭上咗一個阿sir，然後打得火熱，後來先發現原來佢已經結咗婚，之後…咪咁囉。」
我：「阿sir食學生妹，好大罪喎，監都有得坐。」
Y：「咁就唔知喇，可能人哋無咁小氣呢，畢竟都曾經愛過，未必想整到佢落地獄嘅，好似話個阿sir轉咗去另一間學校，之後就算。」
同女仔相處得多，我發覺已經學識咗同佢哋做姐妹，謦謦下已經唔記得咗我哋男女有別；咁都幾好嘅，同仔講嘢多數都黃賭毒，鹹濕嘢，足球，打機，動漫，玩具…其實無乜貢獻。
我：「原來係咁…想問下有拖拍嗰幾對幾大呀。」
Y：「Queenie兩個升中六，奧丁佢哋升中五，Charles都係，小公主同我哋一樣，exactly幾大就唔知嘞，我無興趣同咁多人慶祝生日，不過你個Queenie就快生日，到時我哋可以請佢食返餐好㗎嘞。」