為了實現媽媽遺願，我成為了女兒國唐僧: 836

Y：「咁我都知，係靚唔過某人嘅Queenie啫。」
我輕輕咁掃一掃佢啲頭髮，再情深款款望住佢。
我：「YY，唔好諗無謂嘢啦，妳坐低等我燒嘢畀妳食就得。」
Y：「算你識做啦，專心啲燒唔好整燶呀。」
無論如何，我都要飾演返一個合格男朋友嘅角色，可惜嘅係我唔需要出賣身體提供性服務…Oh sorry，女魔頭未夠十六歲，恕無特別服務提供。
放嘢食嘅係一張好長，兩邊呈圓形嘅枱，大家可以幻想成係一張蘇聯輪盤咁嘅賭枱，雖然小弟都未見過實物…一邊已經俾我同Gabriel放滿晒食物，而另一邊嘅盡頭係一個圓形嘅電燒烤爐，一半係網燒，另一半就係鐵板燒；我攞起兩塊羊架，兩條腸走去鐵板嗰邊，因為我比較懶，覺得煎嘢食會容易過拮落叉度燒。
Gabriel就叉起咗一塊牛扒同一塊雞扒喺度燒，而我哋兩位女朋友就坐咗喺中間啲位等開餐；都啱嘅，個爐唔係話好大，只係企到八個人左右，塞晒喺度就會好迫，雖然我唔介意同靚女迫埋一齊。
以我做開酒樓嘅經驗，一眼就知道呢度啲食物靚過晒出面啲任食好多，如果俾著我以前，一定乜Q都唔理即刻攞一大堆自己鍾意食嘅嘢大燒特燒，最緊要唔好蝕本；不過呢，呢度啲人個個都好斯文，下面班仔重要顧住玩唔急住食，加埋今日活動都係YY出錢，所以我都係做正事要緊。
除咗我同Gabriel外，身邊嘅都係一堆女仔…如果係我自己嚟呢啲活動，一定會忍唔住…唔得㗎，我已經有咗QQ，就算事實唔係都要幻想出嚟。
不過有時隻眼都係會忍唔住，佢哋今日又咁清涼…就好似我上堂會忍唔住䚎Wendy胳肋底咁，昅女呢個壞習慣點都改唔到。




「Helen姐姐！燒蝦使唔使剝殼㗎？」
係囉，我都想知，平時燒嘢食邊有呢啲澩嫪嘢燒…
H：「嗯，首先呢，蝦殼係唔會影響傳熱嘅，亦都可以有效咁鎖住肉汁，而據我經驗，熟蝦殼係易剝過生蝦殼嘅，所以我會選擇燒熟咗先剝。」
無錯，插咗入去先剝衫會更加好feel！
Sorry，一時失態添，QQ鬧得我個腦真係無錯。
Helen姐姐一副專業嘅口吻，彷彿喺度研究點樣幫隻蝦做手術可以令佢無咁痛，護士姐姐真係好正，如果溝到佢做女朋友實爽死，唔似得嗰啲一邊幫人急救一邊會做變態嘢嘅大卡車。
「咁我應該由頭叉定由尾叉入去？」嘩，好一條食蕉點剝皮嘅問題，連工程師都唔識答。