thriXt Qantasy 純文字安眠之作 (New: - U2K - 一直上架): 827

之後佢望住Queenie，兩個人心有靈犀咁，佢點咗四下頭，隨即一嘢敲落個effect制同slider上面，打咗一下非常震撼嘅beat，Queenie隨即接咗配樂嘅位置，唔再係掃bass pattern，而係大概用返中提琴嘅音域嚟彈奏，團長就順勢改到個效果音做violin嚟彈vocal，再配合slider嚟扮到好似真小提琴嘅效果咁，擺到明挑返YY機！
佢兩個差唔多jam咗一段之後，團長望住YY打咗個手勢，YY舉返起佢枝琴上頸；只見團長右手瘋狂彈緊嘅同時，左手遞起四，三，二，一，再一下手起刀落捽隻碟，YY就自動自覺咁補上小提琴melody，Queenie竟然用bass嘅最高音嚟點弦間返個vocal出嚟，而團長竟然即場彈奏一個變化版嘅Lydia，即係明明佢彈緊第二個melody，但就會令你諗返起原曲，同YY撞咗一個好迷幻嘅duet background出嚟。
其實音樂我識條毛咩，不過論㞗吹我至少唔會輸比瘟神，我只係想講！實在係非常之咁撚正呀！
當然最正嘅嘢都會有完結嘅一刻。
A：「多謝兩位靚女，重爽過落老蘭…」
H：「喂喂喂，咪教壞小朋友呀下。」
喺咁刺激嘅音樂面前，Helen姐姐仍保持冷靜…
Y：「哼，根本係你自己想玩就捉我哋陪你。」
A：「嘻嘻，但妳哋都玩得好投入吖…我隻右手已經震緊，真係要抖一抖先。」
YY呢個時候放返低部電子小提琴，企返起我隔籬撓住我隻手，我完全諗唔明點解自己今日可以擁有一個咁正嘅女朋友。我嘅意識仍然留喺佢頭先拉小提琴嗰個影像上面，感受住佢嘅霸氣同高貴，雖然佢平時啲成績表都好霸氣，但音樂係唔同嘅，再加埋個畫面…




我再見唔到喺學校入面閪口閪面尖酸刻薄嘅佢，亦唔記得咗嗰個恃勢凌人變態殘虐威脅我嘅女魔頭，取而代之嘅係一個滿分女朋友。
死火，太沉迷添，我真係當咗佢係女神。
A：「呀Charles仔，做乜你個樣唔多開心咁嘅，係咪你都想出嚟玩呀？」
C：「唔使，有線嘅嘢都唔係我department管。」
A：「可惜吖，最衰電子笛呢樣嘢未成熟，如果唔係我都會買枝嚟畀你玩下等你無咁悶。」
當我聽到電子笛，我心入面諗起電子煙暗笑一下…
C：「唔使，我有piccolo喺身。」