為了實現媽媽遺願，我成為了女兒國唐僧: 821

如果想開心！為什麼需要等！？呢個時候變成YY捉住我膊頭，而我前面竟然係Helen姐姐？！唔知點解，睇到班低form生纏住Helen，我覺得佢真係有啲似我媽咪，嗰種溫柔大方嘅性格，嗰種和藹親切嘅笑容，重有白白淨有啲肉唔會過份搶鏡嘅打扮，令我好想抱住佢，而我隻手就喺度隔住佢T恤摸緊佢件泳衣…
噢…噢噢噢…噢噢噢…大家繼續一手捉住前面，一手向外揮舞，跟住節拍向前行…我眼睛想旅行！
我都想同QQ去旅行，可惜今日我條女係YY。
呢種心跳加速，而且手心出汗嘅感覺…明明我哋只係圍住間房喺度轉下，唔通就係音樂嘅魔力？
睇住啲小朋友個個上晒電，彷彿食完天然捹頭丸，十足十我以前同啲波友喺條街度成功爆開人哋架單車密碼鎖咁爽…
A：「各位親愛嘅團友，好高興你哋已經瞓醒咗…」
丁：「一早醒咗啦，咪玩啦！」
Q’：「喂！唔係喎，玩管弦樂團嘥咗你，點解唔考慮下轉場去開Disco呢？」
A：「呢個問題…音樂係唔應該使人沉淪嘅，加埋呢個年代太難攞牌，出面執下又一間…」
絲：「咪就係爭緊你囉！快啲去救返個市！」




A：「Sorry呀…做DJ中大唔收㗎，所以我先俾指揮呢個工作耽誤咗，等我畢業再考慮下…」
「唔好廢話喇！嚟下一首啦！」心急小朋友上。
A：「係嘅係嘅…今日我哋可以開開心心聚首一堂喺度，全因為我哋重活著，確實應該感恩…」
「咪傳教啦，唔好以為自己真係穌哥，你呢個唔去禮拜嘅偽教徒！」
A：「好好好…下一首歌就係…」『活著Viva』
我：「你哋啲歌都幾老套㗎喎。」我咬YY耳仔。
Y：「係咩，唔覺，我哋玩開幾百年前嗰啲。」
A：「嗱，咁無理由我自己一個玩晒嘅，雖然我貴為團長…呢度重有啲玩具。」然後又托咗兩個箱。
G：「你咁樣，即係明擺我上枱嘅啫…」
A：「嚟啦，我知你實識嘅，兩枝揀一枝啦，表演下俾啲細嘅睇。」




G：「呢枝啦，另外嗰枝我搞唔掂…」
我：「YY，兩部結他有乜唔同㗎？」
Y：「嗰部唔係結他嚟㗎…係bass…」然後用渺視世人嘅眼神嚟望我，咁我唔識都好正常啫！雖然佢答咗我但我都唔知係乜嚟，重記得中一嗰陣要填管弦樂器嘅中英文名，結果我錯咗一半有多…
丁：「無人想玩，我唯有臨危受命啦。」
「奧丁哥哥，點解你識玩bass嘅？無聽你講過…」
丁：「Well，其實都係同一個音域嚟啫，無乜分別，本身大提琴都要成日彈線，而且bass係由大提琴演變出嚟嘅樂器。」