為了實現媽媽遺願，我成為了女兒國唐僧: 796

我：「想食乜就嗌啦，呢餐我嘅。」
W：「唔使喎，做乜無端端請我食飯呢。」
應該，係我慣咗同QQ食嘢全部都係我出。
W：「你想食乜呀？不如我哋嗌啲唔同嘅嘢？」
我：「橫掂嚟到，我想鋸下扒。」
W：「咁樣我就嗌焗飯啦…可以share一齊食。」
最後我嗌咗蒜蓉汁六成熟西冷伴意粉配紅豆冰，Wendy就食黑椒焗牛脷飯配雜果賓治，轉眼間待應就送咗兩個牛油餐包同紅湯白湯嚟。
W：「你重記唔記得教常識科個剩女Miss Cheung，每日著到咁妖豔都無人要，唔知佢嫁得出未呢？」
我：「無人要好正常啫，佢咁奇怪…邊有人做教書條裙係短到遮唔到膝頭㗎。」
W：「可能佢想益啲阿sir，等佢哋上釣。」




我：「好難喎，以前佢坐喺度教書，唔小心真係會望到佢入面㗎，零興趣。」
W：「嘩，你好重口味呀，果然係女都啱。」
我：「唔係囉…以前啲男同學間有個挑戰㗎，就係話要望完佢入面三秒之後唔洗眼，重有傳佢日日裡面都係著鮮紅色，然後有男仔話…其實唔係條底紅色，而係M咗落條白底度。」
W：「救命，你哋真係好變態，個男仔都唔知係咪你嚟㗎。」
我：「唔係囉，嗰陣我只係一個無知嘅細路，都唔知乜嘢係M嚟。」我認我係好貪玩同鹹濕，但我無咁好學，邊得閒研究呢啲複雜嘅人體結構。
W：「嗰陣好多女仔都話坐你隔籬係災難嚟。」
我：「應該係妳嚟咋…我只係熱衷於推廣文房四寶嘅各種額外用途。」然而我唔想再喺度重覆兩枝鉛筆加橡筋究竟有幾好玩。
W：「你重記唔記得我哋班有邊個靚女？」
我：「咁耐以前邊記得喎，靚女…妳囉。」
真心係氹佢嘅，望咗咁耐唔經唔覺越嚟越順眼，不過要講其他女實在無乜印象，小學年年都洗牌換人，我又成日喺條街同人玩，邊記得咁多。




W：「係咪真㗎…」再用個審犯嘅眼神望我。
我：「係…真，不過而家重靚啲，發育良好加持。」
W：「哼，你都無嚟正經。」
我：「無錯，呢個就係我嘅特色嚟。」
W：「咁你記唔記得依柔呀，都幾可愛吖。」
我：「依…依柔？！」無錯，就係依柔，絕對唔係衣魚，雖然我係咁叫佢，又或者油鈾…
W：「做乜呀，點解你變晒樣㗎？」
我：「佢…六年班嗰陣坐過喺我隔籬，同我喺埋一齊一段短嘅時間…」對住女仔我又食豆沙包。
W：「哈，你果然係係女都唔放過我呀下。」
我：「唔係呀，佢係第一個見到我轉筆尖會笑嘅女仔，然後我就鍾意咗佢，話要做佢男朋友。」




W：「原來玩文具都可以溝到女，真心佩服。」
我：「邊有啲咁嘅事喎，我諗係佢嗰陣喺學校悶得滯，想我同佢玩啫。」