為了實現媽媽遺願，我成為了女兒國唐僧: 794

無人駕駛下課室自然就會變咗個墟，不過可能由於大家嘅心情都比較緊張，所以又唔算太嘈。
呢個時候無理由再同Wendy講學業，所以謦謦下就講返我哋小學啲往事，一切都是那麼的正常；過咗大約九個字鄧老師就返嚟，叫我哋跟學號逐個逐個去隔籬課室收結果，睇嚟點心已經焗好咗，希望我想要嘅蛋撻重有貨啦，好想舐撻呀。
話時話自從上次同QQ喺文華食過蛋撻之後就無食過，搵日去買返半打普通嘅嚟一齊食先。
雖然只係分班，而唔係放榜，但原來都會有同學收完結果之後喊住咁返課室，重要係唔止女仔添，睇嚟都係要被迫讀文科嘅受害者。本來我就一心諗住聽天由命，闊佬懶理，自願做人球你想我去邊班咪邊班囉；但如今我嘅成績喺QQ嘅拯救下已經略有小成，希望學校唔會玩我啦，雖然…如果，我都唔知自己喊唔喊得出。
QQ過去先，收完結果目無表情返嚟，叫咗下一位過去就執嘢走人…然後好快就到Wendy。
我：「還好嘛？」例牌都要問下嘅。
W：「無乜特別，都係咁啦。」
我：「咁又係，學校唔會玩妳要妳讀理科嘅。」
W：「我都想計數叻呀，弊在唔係果下慘吖嘛，以後唔使再計咁多數，都係一件好事嚟嘅。」
我：「咁希望我以後都可以背少啲嘢啦。」




只求以後唔使再背年份同人名，就連啲岩石名同陰道構造名都唔想背，剩係想計下煲滾一lit水要幾多隻蕉。
W：「唔好講喇，嗌你過去呀。」
每次單獨見班主任，總覺得佢會即時變面…
鄧：「爽同學坐低啦。」
W：「係…我揀嘅無問題吖嘛？」
鄧：「係講結果之前，我有樣嘢想同你講好耐。」
做乜突然變得咁凝重，明明我今年已經無乜做過任何衰嘢，就連䚎人裙底都少咗好多，因為在家已經看到飽，重要係五星級走光服務…
鄧：「我知道唔係幾適合，但可能已經係最後一兩日見你，唔講嘅話我驚我會心癢難耐…」
點！解會咁㗎？諗住係煩韻婷同我示愛啫，原來…Miss Tang妳，唔係呀嘛？但如果係妳嘅話我實在係食得落，不過我係唔會負任何責任嘅，請妳原諒我呢個死小孩，曳學生，唯願我可以治愈妳嘅實質需要，解決妳嘅飢渴，讓乾鮑得以浸發…
鄧：「就係每次見到你都會好想嗌你做楊協成。」




OK，雖然妳係幾好樣，但請繼續做剩女啦，我諗大部份仔都會怕咗妳。
我：「Miss妳好爛呀…」
鄧：「講返正經嘢，你應該知道physics班係最多人爭，收嘅分亦係最高。」
我：「呢層…我都有所聽聞嘅。」