為了實現媽媽遺願，我成為了女兒國唐僧: 783

以前嘅Carmen同Mandy當然睇得多，甚至乎我試過喺Mandy身體抽返出嚟之後抹都唔抹，褲都懶得著就坐返喺度打機；如今，我竟然覺得俾QQ睇係唔好意思…我絕對唔係驚畀佢望，而係…我諗因為真心鍾意佢，唔想呢啲嘢會影響到我同佢融洽嘅關係。
而且我哋又未行到去呢一步。
我：「做乜搵我，搵你條仔…」講完一半，先覺得自己有啲嘢衝口而出咗，呢啲嘢唔提好過。
Q：「佢唔會喺我面前打飛機啦，我都唔會叫佢咁做，咪盞佢想即刻食咗我。」
我：「嗯…慢慢寫啦，有人睇就好。」
Q：「我都要抖下，寫到手攰。」
我：「要郁下就真，我落去打下乒乓波。」
Q：「落去打波？定係落去溝女呀？」
我：「邊有咁多女喎，如果咁好彩有女我報告畀妳聽呀下，我係真係鍾意打乒乓波。」
Q：「你咪落去囉，又唔使我批準嘅，我唔會管住你，而家已經係暑假，你鍾意打乒乓波，踢波，溝女都得。」




女？識溝先得㗎，咁大個女仔喺屋企我都無從入手，就連瘟神都鳴金收兵，我而家比較緊張嘅係點幫條麻煩嘅社長喺學校識女仔。
落到樓下，我真係走去青年中心先，因為唔想好似專登講大話呃QQ咁令我產生罪惡感；入到去已經見到六七個人喺度排緊，彷彿同你講而家已經係暑假。正好，唔係我唔想打，而係太多人排我唔想等，如果唔係我都可以即刻打一局。
之後我就行咗去學校門口對開。一如瘟神所講係有制服團隊聯合結業步操，有boys鳩，girls街，重有red cross，不過呢啲都唔關我條毛事，我剩係關注著住制服喺度步操緊嘅Bubble師姐，件衫幾咁緊呢。
唔係，我唔係嚟關注佢件衫，我係嚟關注佢個人；不過，我又唔係著住校服，按道理我就唔可以走入去嘅，一個學生著住便服喺自己學校門口接放學咁都唔太好睇，又驚節外生枝遇到啲會阻我辦正經事嘅同學。諗下諗下，我換個辦法轉個地方，反正我知道Carmen住喺邊，睇個勢步操都就嚟完結。最後我喺佢樓下正門對開啲阿婆凳度坐低等人，唔係講笑真係有阿婆坐喺我隔籬，重要帶住奇怪嘅目光得閒望下我。
屌，又唔係關愛座，又唔係無其他位，我都係邨民嚟啫，做乜搞到好似我唔應該坐喺度咁。
我：「Bubble師姐…」當我見到佢行緊過嚟，佢未發現我就已經搶先一步衝咗喺佢面前。
B：「阿爽…你搞乜鬼？」佢個樣好似俾我嚇親。
我差唔多聽到佢個心跳到卟卟聲，想跳到件制服前面兩粒鈕爆開咁。
我：「師姐，我有啲嘢想同妳商量下嘅。」
B：「係乜？」佢一面正經，加埋佢套制服…




我：「即係…都係關於星期五場比賽嘅啫。」