為了實現媽媽遺願，我成為了女兒國唐僧: 778

我：「唔…唔好，我即刻去煮嘢食！」
Q：「哼，睇下你重敢唔敢咁多口。」
我：「做乜喎，都唔使打人㗎，明明我喺度讚緊妳…妳搞到，我都好想打下妳pat pat。」
Q：「唔止呀，你重好想中出我，顏射我，口爆我，玩到我跪地求饒擘開大髀求你快啲屌我添。」
我：「邊係喎…我無咁衰囉。」
Q：「成日睇AV，睇壞腦呀你。」
睇AV固然懷腦，同妳住埋一齊都唔好得幾多。
我諗我最想就係可以日日對住真情流露嘅妳，聽住妳口出狂言，有時肆無忌憚咁做埋啲好黐線嘅嘢；無論係妳嘅奸笑，冷笑，傻笑，每次睇到我嘅心情就會安定落嚟，覺得活著實在太幸福。
唔好意思喇，瘟神，無論你做得再多，你都唔會見到QQ咁可愛嘅一面，因為唯有一個人喺屋企，先可以毫無掩飾自己，就連DIY都…
話咁快就到咗星期一，繼續係對卷日。




今日派數學同迷你phy，chem，bio嘅卷，呢啲科我從來問題不大，加埋有溫書所以絕對唔使擔心；但，我今日都係忙碌嘅一天，正所謂受人恩惠，替人消災。既然妹妹仔十月懷…唔係，係十月芥菜先啱，瘟神又逆來…嗯，好似照單全收，寧枉勿縱好啲；佢想同妹妹仔亂咁嚟，我又唔介意幫下佢嘅，最緊要係唔好再煩住我嘅女神。
首先，我要去中二嗰層望下嗰兩個妹。
正所謂踏破鐵鞋有覓處，得來還需費功夫，兜咗一個圈我已經知佢哋係邊班同埋坐邊，而佢哋亦都見到我，不過無乜嘢對望咗眼我就走咗。
然之後，我走去瘟神課室搵佢。要知道，低form走去高form課室係一件好犀利嘅事情，尤其係對於我呢啲從來喺學校不務正業嘅人嚟講…不過臨近暑假，大家心情都好輕鬆，應該會無人理我。
入到去，瘟神喺度檢視緊自己啲考試卷。
我：「社長不愧係社長，Econ咁深都八十幾分。」
其實我㞗知深唔深咩，我剩係知我唔會睇得明。
瘟：「呀…算係咁啦，未至於好好，阿爽你嚟搵我係乜事呀？」
我：「我已經搵到嗰兩條女係讀邊班喇！」
瘟：「殊！你黐線嘅咩…咁大聲…呢度好多人昅住㗎…我哋去後樓梯啦。」




好彩都唔係太大聲，差啲闖禍添。
瘟：「咁係邊班呀？同埋叫做乜嘢名？」
我：「我都唔識人哋，點會知佢叫乜名。」
瘟：「玩嘢呀，名都唔知我點去搵人哋呀，唔通要我走去人哋課室開口講有無女仔對我有興趣？」
我：「NoNoNo，作為一個萬人迷社長你唔應該主動去搵一個師妹，而且咁樣好…突兀，隨時嚇親小妹妹就唔係咁好。」
瘟：「吓，係你講到佢對我有興趣，點解嚇親？」
我：「係啫，但有機會佢哋都未同男仔相處過，可能見面唔知點㗎喎，你係咪又肯定可以好順利咁令到佢哋舒服同自在先，人哋唔係啲隨時準備好one night stand嘅老司機嚟。」