為了實現媽媽遺願，我成為了女兒國唐僧: 772

我：「無呀，得我知，連Queenie都唔知，亦無打算講出去，所以你唔使擔心。」
瘟：「咁都好啲，如果先生知道咗就大鑊。」
我：「無乜大鑊嘅，只要Bubble唔投訴…點呀，你好期待同Bubble姐姐惜惜呀？」
瘟：「咁又唔係，我無另外嗰兩個社長咁黐線…不過，同大波姐姐攬攬惜惜好似都幾刺激。」
我：「唔好刺激，放佢一馬得唔得？」
瘟：「場波都未踢完，咁快就叫我唔好罰佢？」
我：「假如我哋贏嘅話…如果輸咗就無所謂啦。」
瘟：「乜無所謂呀！我好想贏㗎，好歹我都有份落場，而Bubble剩係喺場邊指手劃腳。」
我：「所以我哋應該贏到嘅，之後放過佢啦。」
瘟：「但我唔明，你又話同佢唔熟，咁佢輸啲乜嘢畀我對你又有乜影響呢？定係你唔抵得我咋…」




我：「欸…唔係，我只係覺得咁樣唔係幾好。」
瘟：「我都覺得唔好，但願賭就要服輸㗎啦，我同佢都係社長，而且佢當時都同意嘅，我諗玩下嘅啫，無乜嘢，我對佢亦無其他過份嘅企圖。」
我：「即係你點都唔肯放過佢？」
瘟：「唔係，我唔太care同佢有無得惜，只係我而家好奇怪，點解你要執著呢件事…你…鍾意佢？」
我：「我同你一樣，覺得佢唔啱feel…如果你唔放過佢，下一場我hea踢㗎喇。」
瘟：「我堂堂社長會唔會咁易俾你大到，我大可以叫你坐喺後備席，唔好唔記得我哋隊總共有十個人。」佢用堅定嘅眼神望住我。
我：「佢哋無人想踢防守，咁樣好咩？」
瘟：「點唔好都好過你落場打假波。」
我：「咁…欸…」
瘟：「要我放過佢都得，第一，你下場要同我搏盡老命咁踢，第二，下年我可能連任，如果搵你參加任何活動都唔準托我手踭，第三，我要你盡快幫我搵返對我有意思嘅師妹出嚟，第四，以後你要做我線人，如果我問你嘢唔準唔講。」




我：「吓…呀…」
瘟：「吓乜鬼，咁我擦定牙同大波姐姐打茄輪，準備連佢條脷都啜埋出嚟，重要順手抽佢心口水。」
我：「之但係…唔係想托你手踭，好多活動我…」
瘟：「放心啦，搵得你就一定得，畫畫書法嗰啲唔搵你，我都要保住紅社嘅招牌唔想出醜。」
我：「乜…有社際書法比賽嘅咩？」
瘟：「講下啫，點呀，制唔制？」
我：「重有一樣嘢，我係唔會出賣Queenie。」
瘟：「得喇，都話放棄咗，唔會問佢啲嘢。」
我：「好啦，咁我應承你，一言為定。」
瘟：「就算踢輸咗都一樣有效㗎。」