為了實現媽媽遺願，我成為了女兒國唐僧: 741

健：「女神…到底妳想點？係咪要玩死我妳先安樂…屌你呀！女神叫你畀嘢我，你條仆街竟然放喺褲袋度攪到嗦晒你啲汗？！」
我：「咁惡做乜喎，你唔係話對佢無興趣咩。」
健：「一樣還一樣，我唔係鍾意佢，但佢始終係個靚女嚟，既然佢有嘢畀我係應該尊重。」
我：「又係你自己講過呢啲女仔得過樣，性格好鬼死難頂，做乜而家人哋氹下你就好似想排隊攞當兵申請表填咁。」
健：「欸…唔係咁嘅意思，性格唔好…佢都未必想，大家唔夾啫，無必要怪佢嘅，的確唔會做佢隻兵，但係呢，同一個靚女做生意交易下係無問題嘅，試問佢咁正，如果可以揸下佢對波，咁同佢做牛做馬返一個月都無所謂啦，呢啲叫等價交換。」
乜都你講晒啦，唔知邊個話Yvonne呢啲女仔連俾你屌嘅資格都無，只配俾你口爆同顏射呢？不過講起Y字頭我就煩，唔知佢幾時又會滾攪我。
我：「人哋肯同你打機其實已經益晒你。」
健：「都係嘅，咁你同佢住有無啲乜jetso？」
我：「我真係唔識答你喎…本身可以同佢住已經係好多男仔恨都恨唔到，有得日日望住佢又係幾爽嘅，但我無同佢做啲乜越軌嘅嘢…佢對我都幾好嘅，有時會發生啲特別嘅事，但係詳細就唔講喇，我都要保護佢，而且對我嚟講都唔算係乜。」
健：「讕神秘咁，唔通係佢沖沖下涼見到蜘蛛，然後叫你入去幫手打死佢？」




我：「你就唔好睇咁多爛卡通或者漫畫啦，今時今日香港市區要搵到隻蜘蛛都唔係易…如果真係發生咁嘅事，我咪好專業咁入去幫佢清理囉，一齊住咗咁耐，重邊會趁呢啲機會去乘人之危䚎佢喎，佢個心無你，有乜嘢睇都係假嘅。」
健：「我無你咁高尚，可以睇下佢背脊都唔錯。」
其實我都無咁高尚，只不過吃不到的葡萄是酸的，加埋真係唔捨得傷害佢。
到咗星期一，係今個學年嘅最後一個上課日，亦都係考試週前學校特登安排先生同我哋溫書嘅日子，包括咗講解例題，同埋再三叮囑我哋要記住個考試範圍。
我：『Queenie，今日放學我會同韻婷去圖書館溫埋書先返。』開始麻目，唔會諗QQ諗乜。
Q：『幾好，咁啱我都約咗瘟神出去溫書，會食埋夜晚先返，你都可以同韻婷撐枱腳。』
我：『妳唔好笑我啦，人哋乖乖女嚟，點會成日夜晚唔返屋企。』講真佢都只係同我食過一次din。
Q：『做乜講到我好曳咁？』外加嬲嬲emoji。
我：『無呀，妳曳唔曳關我乜事，我又唔係妳監護人。』外加雙手攤開emoji。
Q：『講真又好似曳咗，以前我都無同男朋友出咁多夜街，媽咪點都會話下。』




我：『妳都大個女啦，有乜所謂喎，但係我就肯定乖咗…乜瘟神終於約到妳嗱？』