為了實現媽媽遺願，我成為了女兒國唐僧: 717

Q：「咁又係…無呀，我有個fans話想聽我彈乃木坂，但我一首都未聽過，問佢鍾意邊首佢又話首首都得，我無方向先問下你意見啫。」
咦，之前我搵遠藤桜嗰陣…
我：「係嘞，我記得YouTube上面有段video係佢哋曲目嘅鋼琴cover，有成粒幾鐘，妳或者可以參考下。」睇佢哋跳來跳去嘅MV我都無乜反應，呢段純音樂我直頭覺得係催眠用。
Q：「好呀，咁你搵畀我聽下啦。」
我：「Queenie呀，妳直播…開唔開心呀？」
Q：「普通啦，我都係當練琴，又唔多使講嘢。」
我：「咁…有無啲奇奇怪怪嘅人搵你呀？」
Q：「你話搵我扑嘢嗰啲？」佢真係直接。
我：「類似啦…嗰啲變變態態…無嚟正經…」
Q：「你自己都差唔多啦…梗係有啦，重開我一萬蚊一Q添。」




我：「吓，成萬銀…妳唔會制呀？」
Q：「咪玩啦，呢啲得一次，一萬蚊算係乜喎！」
我：「即係點，一萬蚊算平？」
一萬…或者我會考慮下儲錢，買QQ一次。
Q：「呢啲生意，人哋只會買一次，玩完就唔會再有，有都會跌價，你話…如果佢一星期玩我一百Q，先畀足我一百萬就話制啫。」
我：「吓？！妳可以…一星期一百次？」
Q：「咁講啫，唔會真係試啦，但女仔嘅話…應該死唔去嘅，你就肯定唔得，勸你唔好諗。」
我：「咁妳有無block咗人哋呀？」
Q：「如果佢只係撞彩問下，我又唔覺得係啲乜，男人個個都想㗎啦，我咪覆佢無呢啲服務提供囉，唔煩我咪由得佢，反正我直播係賣藝唔係做公關，當然過份嘅話我就會block佢。」
我：「我…都明嘅，呢段就係妳要嘅鋼琴片嘞，其實，妳係咪想學P醬？」




Q：「唔係啦，我邊學到個人妻姐姐咁搏命喎，技術都唔及佢一半，我呃下小朋友同無知婦嬬就得，乜你係P醬fans嚟㗎？」
我：「唔係喎…又無樣睇，而且我覺得佢太做作。」
Q：「咁你係鍾意睇Ru醬？」
我：「如果只係講睇嘅話，Leezy會好啲。」
Q：「曳呀你，但原來韓妹你都啱。」
我：「無嘅…都係同一個審美標準，但原來妳都識咁多彈琴KOL。」
Q：「咪玩啦，我自己彈開琴㗎，點都要留意下呀，同埋要諗辦法睇下搵唔搵到錢吖嘛。」
我：「咁妳有無邊個係鍾意㗎？」
Q：「欸…Rousseau，同埋台灣嘅SLS。」
我：「聽落係仔嚟喎，唔通好靚仔嘅？」