為了實現媽媽遺願，我成為了女兒國唐僧: 703

我：「據我所知呢，佢就單身嘅…不過，你哋千祈千祈要叫妳朋友小心吖，佢唔係好人嚟㗎！」死瘟神咁受歡迎，等我幫你整色整水加鹽加醋。
「吓，點解你咁講嘅？」
我：「因為呢…佢係專呃小妹妹嘅，只要睇中啲靚女師妹，就會用甜言蜜語嚟令佢哋落踏。」
「喔，係咪你睇唔過眼佢咁好人緣咋。」
我：「唓，邊係…我使乜葡萄佢喎，喺我眼中佢只係一個虛有其表嘅道貌岸然…」
唔好話我話，其實佢同我先差唔多大，我睇死佢而家都重係一個青頭仔，連QQ都睇佢唔起。
「係呢，咁佢睇上眼嘅女仔要有幾靚呀？」
「好似佢咁得唔得？」
老實講，呢兩個妹釘都幾得意嘅，一副十月芥菜發姣樣，但硬係覺得佢哋大過咗會變到好似Yvonne咁；唉，靚仔無本心㗎，回頭是岸啦。
雖然無論靚唔靚仔都係想呃走你隻豬先。




我：「即係咁，好似Vincent呢等（亭）咁嘅男仔，溝嘅當然係女神級嚟啦，但係如果齋講食女嘅話，相信佢條合格線會低好多，最多就係多啲嚟密啲手，所以做人切記唔好燈蛾撲火，螳臂擋車，亡羊補牢，我勸妳哋嘅朋友都係唔好太多幻想，專心讀書先係萬全上策呀！」
「睇嚟你同佢係仇家嚟喎…」
「佢會唔會落場鏟錯自己隊友㗎？」
我：「欸，其實我同佢無乜嘢，不過呢…佢呢啲男仔都係差唔多，妳朋友唔介意同佢玩咪益下佢…」
「咁師兄你係咪都係咁㗎？」
我：「我…我呢…戒咗喇，而家心如止水，虛懷若谷，可惜嘅都係胸無大志…」
「哦，多謝師兄嘅資訊，bye bye。」
然後兩個睇落有啲傻有啲可愛嘅妹子就走咗。
健：「點解你坐喺度都會無端端有女仔搵你㗎？」
我：「唔知呢，好彩咋掛。」




健：「又唔見佢哋搵我？次次都係你。」
我：「唓，你又唔同社，又唔識瘟神，而且問你你咪又係口㗧㗧咁，坐喺度都木木獨獨一副愁雲慘霧嘅樣，我係女都唔敢撩你啦。」
健：「要點樣…先可以受歡迎啲…」
我：「笑多啲，講多啲廢話，唔好驚女仔就得。」
健：「講就易咯，邊有人好似你咁黐線。」
我：「有幾黐線，肯做就得，例如…我哋而家可以用讚嘆敬畏嘅眼神望下Bubble姐姐對波波。」
健：「傻嘅咩，個個喺度睇緊波你走去昅女！」
我：「搓來搓去好悶，都係睇波啫，嚟啦。」
健：「我唔想俾人鬧呀，好無禮貌…」
我：「點會呢，你幫社長踢波喎，多謝你先啱。」




於是我擰個頭去右後方死死盯住Bubble個心口，重有校裙裙腳下露出嘅少少大髀，其實…真係正嘅，當我一幻想佢踎喺我條腰上面M字腳打樁，佢就發現咗我心懷不軌咁望住佢…
然後我打側頭對佢揮揮手…
佢一副無奈嘅樣，帶住苦笑回敬返我。