為了實現媽媽遺願，我成為了女兒國唐僧: 673

Q：「哦，咁我哋係奇怪啲嘅，你千祈唔好學佢呀，我都唔想其他正常女仔俾你嚇親。」
健：「邊學得嚟吖，我只係想識個普通嘅女仔可以交流下，但呢條粉腸，好似乜嘢女仔都搞得掂咁，就連平時好少同男仔講嘢嘅韻婷都同佢謦到俾先生鬧…」
Q：「係囉，究竟佢兩個係乜嘢關係呢？」
健：「都唔知會唔會已經偷偷一齊咗。」
我：「無的咁嘅事，只係好平常嘅隔籬位同學。」
講出嚟都有啲慚愧，其實曾幾何時嘅QQ都係…
Q：「我就覺得，佢兩個嘅可能性，大部份係取決於呢條友嘅態度啫，韻婷對住佢咁開心。」
健：「唉，分分鐘啲女比佢食晒，可能又多隻豬…」
我：「咪再亂講呀，Wendy都無乜特別咋嘛，而且…我要專心溫書，唔想諗呢啲嘢住。」
健：「原來你勤力咗，唔怪之得成積有進步啦。」




我：「咁…係呀，日日對住呢個女人喺度也文也武，成日笑鬼我，唔想衰俾佢睇。」
Q：「關我乜事喎，我學業不朽都keep得住㗎啦，又唔係為咗演嘢先讀書，係你啲答案成日都太好笑我先忍唔住咋嘛，好歹都有教你，重喺度怪我。」
健：「有女神教讀書…真係好。」
Q：「阿健…你都要畀多啲心機溫書喇，唔好再打咁多機，就嚟考分班試，知唔知？」
健：「重打乜鬼吖，要打嘅都已經打晒，我諗可以棄game都得…不過，睇怕呢排都無乜心情溫…」
Q：「點解呀，六月中就考㗎喇。」
健：「原因…妳點會唔清楚，明明咁冰雪聰明…」
Q：「見到Kuromi真身，重可以同佢食飯謦欬，又無話唔同你做朋友，唔開心咩？」
健：「開心…但之前，明明有個女仔係掛喺自己心上面，突然之間好似碎晒，然後消失埋。」
Q：「睇嚟…活喺幻想之中先係最開心。」




我：「無錯，現實通常都係最殘酷。」
健：「你條友仔最無資格講呀！喺我面前現充咗咁耐，又大波姐姐，又鄰家小妹…嗚，可唔可以有個女仔可憐下我，同我拍返一日拖？」
喂，唔好講得咁大聲得唔得？都已經俱往矣。
我：「除咗PTGF之外，我睇唔到有其他可能性。」
健：「如果有…都可以㗎…我唔使要嗰啲嘢，剩係用心同我拍拖已經好夠。」
點知呢個時候QQ攤大兩隻手板出嚟。
健：「做乜？乜意思？」
Q：「PTGF嘛，五百蚊一個鐘，行街睇戲食飯都得，包拖手，唔包抱抱，唔包惜惜，唔包摸摸，唔影得相，唔上房，ML…BJ…HJ…全部都係無嘅。」