為了實現媽媽遺願，我成為了女兒國唐僧: 658

嗰陣我覺得下面生毛好恐怖，但自從我日日親吻完Carmen姐姐嘅芳草沼澤，就一試不能回頭。
總覺得有一日我下面都會變到毛䇯䇯，然後好型咁捹捹抽嘢，再同Carmen姐姐講，不如我哋扑嘢咯…咪住，此誠危急存亡之秋，唔係諗呢啲嘢…
健：「得！等你射埋精先，我唔急。」
都黐線㗎佢，大大聲喺人哋門口講埋啲咁嘅嘢，俾鄰居聽到都唔知點算好。
我：「儲咗好多日，要射五次，你等飽佢啦！」
雖然處境非常危險，但QQ聽到我咁講都揞嘴笑。
Q：「乜…佢會上嚟搵你玩㗎？」細細聲講。
我：「中一嘅事嚟…自從我識到啲EX，都無再叫佢上過嚟，而佢亦都識做。」
Q：「咁…佢做乜無端端上嚟？」
我：「我都唔知…青春期荷爾蒙分泌失調掛。」




點睇都好，佢應該發現咗我間屋有啲輘輷，而家只求佢知難而退，唔好生事。
健：「兩分鐘喇喎！射夠五次未？」
我：「黐線㗎咩，我先無你咁快槍手！」
健：「咁抖下先啦，等我入嚟幫你打氣。」
我：「唔使呀，你快啲返屋企打J啦！」
健：「我頭先好似聽到你間屋有女仔聲喎。」
我：「啊…係呀，睇AV梗係有女仔聲㗎啦。」
健：「乖啦，俾我入嚟一齊睇，我忍唔到返屋企喇…我都唔想攪到你成道門都係。」
我：「你咪黐線啦，好無？自己去後樓梯搞掂…」
健：「嗱！總之你唔開門，我喺度等到你開門為止，講完。」佢態度話我知已經懶得再同我玩。




我：「得，你慢慢喺度等，祝你空虛寂寞凍。」
健：「放心，今晚等唔到，我會朝朝七點嚟接你返學，喺對面樓用望遠鏡䚎下你喺屋企搞乜。」
我：「煩撚夠未呀？成個收數佬咁！」
去到呢個地步我都實在無計可施，點知QQ捉住我隻手拉一拉：「爽，不如算啦…」
我：「可以點算，佢死都唔走。」
Q：「俾佢入嚟啦，我都唔想煩。」
我：「吓，俾佢入嚟咪更加煩？妳想…扮做普通同學上嚟搵我玩？」我望下佢，著住校服都幾有說服力，但再望下我間屋周圍，就知無可能。
Q：「唔好咁天真啦…等我搞掂佢。」
我：「妳…可以點搞掂佢，如果佢知道晒妳啲嘢…」
Q：「得啦，佢又唔係強姦犯…」




我：「咁…我交晒畀妳㗎喇，我唔識同佢解釋。」
Q：「喂…等等！我收返啲Bra同底底先。」
然後…佢就將晾喺露台同攤晒喺梳化嘅底衫褲收返晒落喼，而我就走去開門。雖然靜咗一陣，條友果然重喺我門口，佢嘅神情一面認真，隻眼重有少少紅絲，睇嚟就幾激動下。
我實在唔想同佢講任何嘢，希望QQ拆得掂。
健：「K茜旎，妳做乜會喺呀爽屋企？」