為了實現媽媽遺願，我成為了女兒國唐僧: 649

我：「無問題！但我唔知妳係乜嘢碼喎。」
Q：「我作死你呀！成屋都係我啲衫褲鞋襪，你自己睇都得啦，明明就知道晒我三圍乜嘢cup，使唔使我而家除衫俾你慢慢度呀！」
總覺得，關乎搵錢嘅嘢，佢好似會有啲唔同。
我：「唔使…其實妳乜嘢cup我一睇就知，唔使睇妳啲胸圍標籤。」
Q：「咁你就咪扮啦！拜託你乖乖地幫下手。」
我：「但係…係咪乜嘢服裝都得先？」
Q：「欸…唔好太過份就OK，比堅尼係唔得嘅，會俾人投訴，我見其他女著緊身真理褲加sport bra都無問題，大概最高呎度就係咁。」
佢咁講就知佢唔識嘢，識睇真理褲嘅一定知道，要鬆鬆地有條罅仔嘅先係最高境界，要攝咗少少底褲邊出嚟，分分鐘重會見到毛毛同唇邊…
我：「咁我嚟緊呢幾日物色下啦，好彩啱啱又考晒試。」我諗佢都係見得閒先想賺外快。
靚女真係好，有千百種門路賺男人錢。




Q：「你同韻婷食飯食成點呀？」
我：「吓，有乜點，咪又係咁，重可以點喎。」
Q：「記住好好對人哋呀，知唔知？」
佢一面語重心長咁，搞到我唔知點好。
我：「有乜好唔好喎，都係普通嘅朋友咁…」
Q：「咁唔通朋友就唔使好好對人哋呀？佢乖乖女嚟㗎，如果你唔係想同佢認真嘅話就唔好畀啲錯嘅signal人哋呀，知唔知？最驚你一時忍唔住同人哋玩下玩下咁，到時整喊人…」
我：「點會喎，我邊有咁衰…」
Q：「點知你，我都係睇你往績㗎咋，你知你係點㗎啦，不知幾enjoy啲女仔投懷送抱。」
死火…雖然唔係特別鍾意，但俾佢講中咗係有一丁點enjoy，睇嚟要收斂啲。
我：「咁我而家唔同咗嘛，況且佢又唔係…」




Q：「佢梗係唔係Carmen姐姐嗰啲女仔嚟啦，如果係嘅話我理得你同佢玩到天昏地暗吖。」
我：「應該就唔會嘅…而家嘅我…」
Q：「除非人哋真係想同你玩啦，咁就無乜所謂。」
我：「唔會啦…睇個樣都知無可能，可以放心。」
Q：「好難講㗎，女仔呢家嘢…」
乜意思喎，咁妳係咪又想同我玩？雖然覺得妳成日都喺度玩緊我…但係我想同妳認認真真多啲。
然後佢喺度執返個場，收返起塊粉紅色布幕。
Q：「好彩你買畀我呢部係keyboard，插入電話就可以做line in，咁我mic都可以慳返唔使買。」
我：「哦…我諗大致上我都明你講乜嘅，既然妳都唔出聲，直頭連電話個mic都可以封咗佢啦。」