為了實現媽媽遺願，我成為了女兒國唐僧: 606

W：「真係羨慕你，每日返學都可以遊戲人間咁，無嘢需要擔心，明明就嚟考分班試…」
我：「都唔係㗎，我都知分班試好重要，所以我開始努力溫書㗎喇，但呢啲嘢又無得避嘅，既來之則安之，做好自己份內事咪得囉，而家十二年免費教育，唔會考得差就踢出校無書讀。」
W：「我都明…但考得差，聽聞啲好嘅科就唔輪到你揀，剩返中國文學同中史呢啲，我想讀Econ或者BAFS呀…」
我：「啊，妳諗住讀文商科嗱？」
W：「係呀，你都知我計數唔掂㗎啦，點讀到理科喎…」換言之，過埋呢幾個月我哋好可能無得再見，希望啦…如果迫我讀中國文學會想學屈原投河自盡，令中國傳統文化得以保存…
W：「係呢，你而家…重成日晚晚喺球場同青年中心遊離浪蕩唔返屋企？」
我：「而家無喇，所以我咪話乖咗，真係女都無溝㗎，咪多咗啲時間溫書同做功課囉…呀，不過有樣嘢，我而家有喺屋邨間酒樓度打工，嘻嘻！」
W：「吓？！你去返parttime？」
我：「係呀，不過我係夜晚落去打雜執頭執尾咋，每個禮拜都係做十粒八粒鐘，如果有緣嘅話，或者妳會撞到我。」
W：「服咗你，真係無一忽似返個正常學生…但係，點解你會無端端走去兼職嘅？好等錢使？」




我：「又唔係…不過妳都知，我成日自己一個人喺屋企都幾悶，所以咪想搵啲細藝嚟做下，順便學下嘢又搵到零用錢，一舉兩得！」
當然啦，為咗右女神嘅生活而搵錢呢件事係絕對唔可以俾人知，喺屋企悶係大話，現況係真係好等錢使，如果唔係QQ都唔會諗住去女僕餐廳打工啦，而返工學到嘢就純粹係副作用嚟。
W：「咁你都幾叻喎…如果你太悶嘅話，或者可以約我一齊出嚟溫書㗎，去玩都得，雖然我唔知自己可以陪你做啲乜。」
嗯…又會咁主動嘅，唔通佢都悶得滯？不過我哋住得近確實又幾方便。
我：「可以呀，都就嚟mid term，搵日出嚟一齊計下數囉，如果出咗糧可以請妳食嘢添！」
W：「唔使你請呀，邊敢使你啲血汗錢。」
就係咁，我同韻婷兩個喺大排檔謦到差唔多打鐘先趕返學校；又有邊個可以諗到，一個小學一嘢就嬲咗我反面嘅女同學，到咗而家可以做返friend，又唔通係我外交或者魅力值升咗？
一路上我喺度諗，如果唔係呢幾個月發生咗咁多事，我應該已經喺度追求緊Wendy，屋邨妹入場費低同自己又夾得埋，普通樣唔係活躍份子無乜人會同我爭，大波乖乖女一路揸一路睇佢怕醜實在係十分之爽，加埋百份百處女，一嘢啪入去嗰下呢…算，而家嘅我已經唔同咗，無謂諗埋啲不切實際嘅嘢，我已經盡失傷害女生嘅膽量。
加埋媽咪嘅聖訓，我就連搵大卡車出嚟揸下車都唔敢。
返到課室，窗口位隔籬就係冷氣機，我將個出風位較低咗，為趕返嚟身水身汗嘅我哋降下溫。




我：「會唔會凍得滯，如果係就出聲同我講啦。」
W：「OK呀，其實我唔怕凍嘅，屋企都係咁吹。」
坐低之後，佢並無著返件冷外套，睇嚟已經放開咗，而背脊上面嘅Bra帶汗印亦都漸漸褪去…