為了實現媽媽遺願，我成為了女兒國唐僧: 605

我：「咁樣咪幾靚女，妳又可以舒服啲。」
我都即刻將視線移離佢嘅敏感部位，免得佢尷尬啦，難得人哋係黃花閨女，我唔想令佢難受。
W：「多謝你呀，不過真係成日feel到有人望過嚟。」股乳有暈，有啲嘢有又煩，無又煩。
我：「咁都係…因為妳吸引到佢哋先有人望妳啫。」我唔敢讚佢靚，因為佢真係唔算…
W：「唓，你哋咪又係…有波就睇。」估唔到佢突然之間會變得開放咗，雖然重係一面憂心忡忡。
我：「妳都可以咁講嘅…但人就梗係會想睇美好嘅事物㗎啦，身體上面有地方值得畀人欣賞係好事嚟。」我知有啲夾硬美化緊昅女呢個行為咁。
W：「男仔嘅話…我都明嘅，但有時有啲女仔都會望住我，可能佢哋無乜，搞到我唔知點…」
我：「無乜特別嘅，我見到靚仔都會留意啦，有時踢波見到啲大哥哥高大威猛，一身健碩嘅肌肉，唔止會引嚟啲妹妹仔㗎，我都會羨慕㗎嘛。」
W：「使唔使呀，你都差唔多啫。」
我：「吓…係咩…」佢咁講搞到我唔知點好。




W：「你之前…兩個女朋友，唔係喺球場識嘅咩？」
我：「係呀…妳…又會知嘅…」
坦白講，雖然我唔係偷偷摸摸，但喺學校從來都無招搖過，通常係健康肥豬呢啲先會留意下我，估唔到我同兩個外校女仔拍拖呢件事佢會知道。
W：「知埋知囉，你都幾高大，樣都唔差。」
欬…無端端俾人讚，個腦有啲hang機；我唔知呀，佢又唔係講大話氹我開心嘅，正如我企喺瘟神隔籬，身形上面都係我略勝一籌嘅，但人哋識讀書，人際交流出色，家底又夠豐厚，重識死厚面皮明知QQ有仔都追佢；而我，就係一個死廢青，只係唔知點解我哋級嘅首席女神會住咗嚟我屋企，講真我點都追唔上佢哋呢啲萬人迷。
我：「多謝妳…所以妳都唔使咁介懷人哋嘅目光啦，妳睇下我哋學校啲女神，平時咪又係咁招搖，點會怕俾人望呢，有啲信心就得！」
W：「你都識講啦！人哋係女神，我唔係吖嘛…」
我：「嗯，雖然…咁講，但做人有自信都會靚啲…」
我實在唔知講乜好，而我亦都唔係一個自信嘅人，深信每日得過且過，遊手好閒，安份守己，可以做自己想做嘅嘢開開心心就算。
W：「有邊個男仔唔迷女神吖，你同Queenie都…」




我：「呀，真係無喇，同佢只係普通同學。」
W：「就算係…都會無可避免俾佢吸引。」
我：「坐隔籬先留意下啫，調咗位…就乜都無㗎喇，妳又唔係唔知嘅，邊個坐我隔籬都係咁㗎啦，最想就係每日過得開開心心，捱到落堂就算。」
我同QQ嘅秘密關係，實在係唔可以俾人知道，就連Yvonne都成日搵我哋嚟講笑，所以其他人一講我哋啲乜都唯有即刻否應，因為保護QQ…係我其中一個最重大嘅責任。