為了實現媽媽遺願，我成為了女兒國唐僧: 584

我：「嬲呀，所以唔該你即刻躝屍趌路！」
肥：「唔好嬲啦，我賠返錢畀妳先。」
我：「你係咪重煩呀！係咪要我踢斷你條J先安樂？」講真…我又真係有啲想暴力發洩下。
肥：「可…唔可以…唔好咁大力…」
我：「唔得呀，擘大隻腳啦，撩我條裙咁開心吖嗱！」佢又真係傻到聽我話分開咗隻腳，塊面就好似苦瓜乾咁揦埋一嚿，而我就作勢咁猛力抽上去…
作勢啫，我都唔敢咁做。
我：「哼，我先無咁蠢呀！踢傷你我咪要坐監？」
肥：「踢啦，我會忍住痛…唔會告妳…」
點知嘅係…佢下面有咗反應…而佢係著住條鬆身嘅track褲，頂！呢隻死肥仔係M底㗎？聽到俾人踢J竟然會硬咗？！What the fuck…救命呀…
我：「你！你下面做乜呀？！」




肥：「對…對唔住…我都唔想！」
我：「你對我做埋啲咁無禮嘅舉動，係咪想死？」
肥：「女王饒命，小人知錯！妳即管打我啦。」
佢講完之後又跪返喺度，好似好想畀我虐打咁。
妖…我想趕佢走，點解變咗好似玩SM女王遊戲咁…唔得，我要諗個方法解決佢，但要我無㧝㧝扮到唔嬲原諒埋佢就真係唔得。
如果咁樣…交叉仔會唔會唔鍾意…
但係，佢每日返工都好辛苦，我想佢可以過得輕鬆啲，如果有少少錢…我起碼可以同佢…
我都好矛盾，明明自己以前大使到爆，最鍾意買啲貴嘢放上身，喺啲姐妹面前招搖；雖然唔會話歧視啲窮人，但絕對唔會想同佢哋做朋友，佢哋去玩去食嘢又話呢度貴又話無錢，食飯為咗平幾蚊嗌學生餐唔飲凍飲，感覺真係好cheap好麻煩；如今我已經淪落到要住喺人哋間公屋度，而我竟然打從心底好憎呢個乜都講錢嘅死肥仔，我…有資格嗎？
為咗唔好寄人籬下，為咗過返啲得睇少少嘅生活，我唔介意冒險喺網上面約啲變態出嚟，賣啲底衫褲畀佢哋，只要有錢，有合理回報，畀人睇下摸下我都唔覺得算係啲乜，只要唔好攪到我忽肉就得…既然我無去討厭呢啲變態，點解我又要為咗條死肥仔撩我條裙而大發脾氣？我其實明知個個男人都係一擔擔，唔通呢個肥仔特別樣衰？定係我潛意識覺得女僕待應係一份好高貴嘅工作…
其實，係我自己太唔成熟…明明佢都有真金白銀嚟幫襯，而我就畀面色佢睇，或者我都唔啱。




我諗，應該可以做啲嘢，對大家都有好處。