為了實現媽媽遺願，我成為了女兒國唐僧: 583

而佢個樣，就好似五雷轟頂咁。
我：「我已經唔再係女僕，根本就無可能會同你影相，既然想我唔嬲同補償返我，你無資格擁有我嘅相，唔該，重有幅三人合照，攞埋出嚟啦。」
死肥仔佢即時跪咗喺度，粒聲唔出，眼淚嘩啦嘩啦咁流出嚟…其實佢無出聲，嘩啦嘩啦只係形容個澎湃，而一切係靜音嘅。
我：「喂…唔好扮嘢得唔得？係妳話要補償我。」
肥：「原諒我…得唔得…其他一切…都可以畀妳…」
我：「你要我嘅相嚟做乜？咪又係囉嚟J，乜你認為我想俾你J咩？諗起我就打冷震，所以唯有呢幅相喺世上消失，我先可以當無嘢發生過。」
肥：「有無其他選擇…我…可以出返糧…畀妳…或者…高價買返…幅相…」佢已經喊到地下濕咗一笪…
我：「你唔係以為你真係好有錢呀？著對限量版Nike就以為可以打橫行？唔係LV或者Balenciaga嗰啲都唔好喺我面前扮嘢，唔該…」
肥：「對唔住…夠唔夠呀…」
佢真係好傻好天真，打開個銀包搧開咗啲錢畀我睇，有五張五百加兩張二百…我諗，佢都著得起真名牌嘅，不過正常屋企又點會容忍小朋友咁樣，係我爹地媽咪先咁亂嚟。




我：「收皮啦，攞幅相出嚟畀我。」
肥：「可唔可以…」
我：「快啲呀，女王我重嬲緊，無乜耐性㗎咋。」
佢無再反抗，收細咗嘅眼淚又再擴大返，然後伸手入個袋度攞返張三人合照出嚟，隻手震晒咁。
其實…佢都幾可憐…一定係屋企唔識教仔，先會搞到佢變成咁…而且，見佢喊晒口又好聽話，我開始有啲唔忍心，而家呢個畫面，其他人見到一定會覺得我係衰人，好似喺學校天台收陀地費嗰啲大家姐咁。
我：「妖，見到你就覺得嘔心，J飽佢啦！」
我隨手一擲將手上面嘅碎片掉落地，亦放棄咗沒收佢手上面幅相，佢見狀就即刻執返起嗰四張碎片，而且重不停叩頭。
肥：「多謝女王…感謝女王…」
我：「收嗲啦，女王命令你即刻起返身。」
佢又真係照做，搞到我好似訓練緊隻狗咁。




肥：「我應承妳…我絕對唔會攞妳幅相嚟J㗎…」
你當我小妹妹呀…男人嘅廢話我先唔會信，不過你J唔J都唔關我事，我同你無任何關係。
我：「走啦，我唔想再見到你，快啲喺我改變主意前消失。」今次我終於可以樂得清靜喇掛？
肥：「但係女王…妳肯原諒我未…重嬲唔嬲？」…。