為了實現媽媽遺願，我成為了女兒國唐僧: 534

W：「但係我見妳同人哋日日都好好謦喎。」
我：「咁坐隔籬…唔同佢謦同邊個謦喎，妳又唔係唔知我嘅，邊個坐我隔籬都係咁㗎啦。」
W：「你同Queenie真係無嘢？」
我：「無呀…普通朋友嚟啫，隔籬位friend啫…就算佢靚女都唔代表我要對佢乜嘢嘅，同埋妳可能都聽過，佢應該係有男朋友嘅…」
W：「出面係咁傳囉，但我同佢都唔熟。」
我：「咁咪係囉，而且女神多數繞口巉手，我唔識服侍佢哋，咪搞我…」
先啱啱過咗嚟幾分鐘，都唔明點解我要解釋咁多，唔通女仔天生就係咁八掛嘅？
W：「即係話，我同你都可以friend到？」
我：「得嘅，如果妳唔會唔理我嘅話，又加埋唔會投訴我嘅話。」
W：「唔關我事㗎，以前…你整到我條裙，我抹極都有個印喺度，就連我都俾阿媽鬧呀，唔係我想投訴你㗎…」




我：「吓，都唔關妳事，做乜要鬧妳喎？」
W：「咪鬧我好同啲不知所謂嘅男仔玩囉。」
我：「我諗佢對玩嘅定義有啲誤解…」
W：「唉，唔好提喇，既然有緣再一齊坐，你就唔好再扮唔識人喇。」
我：「真係無扮唔識人喎，只係我…唔會特別social啫，如果妳無嬲我就好。」
W：「係呢，你同Queenie會謦啲乜㗎？」
我：「天南地北，乜都講㗎，我唔會因為係女仔就收收埋埋，只要妳哋OK就得。」
W：「例如呢？」
我：「吓，你問得我咁突然，好難答妳喎。」
W：「有乜咁難，又係你話對住女仔乜都會講。」




我：「我無乜所謂呀，係怕妳尷尬啫。」
W：「唔怕啦，我想知呀。」
我：「例如，謦下…到底食咗啲乜可以令個女仔喺幾年之間個身型發生咗咁大轉變。」
我望一望佢個心口，雖然佢著住件長袖冷衫，但都完全阻擋唔到佢嘅身體向外擴張宣示主權。
W：「喂呀…我點知喎。」
又話唔怕尷尬，一講就已經面紅晒…我知道佢係一個非常乖嘅黃花閨女嚟，所以先唔想同佢講呢啲啫；至於我…受過咁多女人洗禮，早就已經去咗另一個星球，著實同佢哋溝通上會有啲困難…
我：「唔知唔緊要…呢啲嘢…天然嘅啫。」
W：「如果…好似Queenie咁靚女就話啫，我呢啲…算吧啦。」
我：「咁…有啲嘢，有總比無好嘅。」
W：「都係嘅…」




然後我哋就dead air咗…
曾經，香港有間快餐店叫Wendy’s，個logo就係一個平平無奇嘅少女，而我眼前呢個Wendy亦都差唔多，普通樣啦，塊面圓圓地皮膚唔太白，一頭唔長唔短嘅黑髮梳成露額嘅三七分界；呢種女仔通街都係，就係M記招牌跌落嚟會壓死三個嗰啲，佢無乜打扮，但就日日都著住件好厚嘅死人冷衫，應該係好怕人睇到自己嘅身材…
我又未至於膚淺到剩睇樣嘅，同如果係都要我排…咪Carmen大過Angel等於Bubble大過Mandy等於Wendy咁囉…不過如果唔計歷史因素，Wendy心口贏一注，係處女又贏一注…算啦，其實我都係好膚淺，而Mandy嘅處子之身都係栽喺我手上。