為了實現媽媽遺願，我成為了女兒國唐僧: 523

爸：「嘿嘿，不如一齊玩吖？」
我：「咁你識用乜嘢位呀？」
爸：「上單或者法師都OK㗎，保證唔送。」
我：「咁樣唔OK喎，同我哋撞晒位…」
得出嚟嘅結果就係我場場都打輔助，跟住阿健做替死鬼，呢個係我最唔想遇到嘅事嚟。
Q：「哎呀，都唔關乜位事啦，我哋係玩三排㗎，加唔到一個人入嚟。」
我：「咦，又係喎，的確無四排呢個組合。」
爸：「點解無得四排嘅？」
我：「我點知啫，隻game本身就係咁。」
Q：「叔叔，我哋下次再同你一齊玩吖。」




爸：「咁…我過返去睇電視…」無癮地行開咗。
夠鐘我哋就開戰，點知打到第三場…
Q：「不如你而家突然quit game吖。」
我：「吓！為咗啲乜事要咁做，我琴日已經扣咗八分信譽分，再係咁嘅話，好快就無得打排位。」
Q：「唔係叫你好似琴日咁，係quit完game等三分鐘入返嚟，扮到你部電話好有問題咁，但係今次就成功可以reboot到部機，咁短時間最多扣兩分啫，凡且我兩個唔會舉報你。」
我：「嗯，我明妳想點喇，而家即quit。」
然後我喺QQ個芒度睇住自己俾人活生生打死，復活咗去泉水掛機一動不動。
健：『做乜…今日輪到個死仔包…』
Q：『對唔住，我琴日都係咁，可能佢又俾屋企人捉咗去要放低部電話呢…』
健：『唔會，我同佢好熟，呢樣嘢唔會發生喺佢嘅身上。』吖，我老竇返咗嚟，唔俾真係發生咩。




不過今次我五分鐘唔使就入返場。
我：『Sorry！小弟罪該萬死！好彩今次部電話著得返，求兩位大人有大量…』
健：『妖，電話舊就換機啦…不過算，每人都總會有意外。』
Q：『係嘅…返到嚟已經好好。』
我：『多謝！我即刻去發育下先！』
呢場好好彩，捱咗廿分鐘我哋贏埋添。
Q：「Give me five！」
我：「阿健今次應該唔會懷疑喇掛。」
今日嘅戰果非常唔錯，總共有三粒星嘅進賬，阿健又去返星耀上傳說嘅最後五粒星。
我：「咦…個傻仔打電話喎，點算好？」




Q：「有乜點算好，你咪聽囉，我去沖涼先。」
我：「喂？做乜嘢呀？」
健：「衰嘢，如果你部電話日日都係咁，我點同你玩落去呀？你唔好累到Kuromi唔想同我玩呀。」
我：「我知呀…咪即刻諗辦法reboot到囉。」