thriXt Qantasy 純文字安眠之作 (New: - U2K - 一直上架): 505

爹地佢無乜特別，都係坐喺張床上面㩒電話。
爸：「仔仔，我想揸貨櫃車得唔得呀？」
我：「可以呀，但做乜…無端端想玩。」
爸：「有張卡喺度費事嘥啦，我又無嘢做，唔使咁早瞓。」我諗，佢係想等我哋沖涼嗰陣無咁悶掛。
於是我就開咗隻game畀佢玩，栩栩如生嘅畫面又出現喺螢幕度…
而QQ亦都沖完涼出返嚟，老竇喺度佢就梗係唔可以大模斯樣咁著住底衫褲出嚟慢慢抹同著衫，所以都見到佢件衫有小小水印，始終屈喺廁所入面抹身換衫係有小小狼狽。
好唔慣…夜晚喺屋企見到戴Bra嘅佢。
我：「Queenie，頭先我哋一齊斷線…點算好？」
Q：「無得點算，唔好理就最好，一陣我會話頭先屋企人捉走咗我，輕輕帶過咪算囉。」
我：「妳講得都啱嘅，咁我都係學你，夜啲同佢講我電話hang機就算，要點諗隨佢自己鍾意。」




Q：「嗯，咁我上床先喇…我唔知點對住你爹地好。」QQ一面尷尬咁望住我，我都知佢難處嘅。
我：「妳早啲瞓啦…我要喺度等下熱水先。」
等熱水要成十分鐘，我唯有攞住本中史書喺度當故仔睇下，亦順便扮下溫書。
QQ上咗床，爹地就走去熄咗廳燈，而我就靠廚房啲燈光嚟睇下孫中山呢個混吉有幾害人不淺。
爸：「Queenie，我喺度玩唔會阻住妳瞓吖嘛？」
Q：「唔會呀，叔叔，平時阿爽佢都係咁嘅。」
爸：「吓，我個仔佢成日都好夜瞓㗎？」
Q：「又唔係嘅，通常我瞓咗佢過一陣就瞓。」
好彩佢唔係投訴我趁佢瞓咗嗰陣喺佢隔籬開住部電腦睇AV打飛機，重要打嗰陣間唔中偷偷望下佢…不過我有辯解理由㗎，鬼叫佢打潛艇畀我聽搞到我慾火難耐；射晒出嚟都係為佢安全著想，如果唔係我怕始終有一日係會忍唔住撲上去佢張床攪到汁液橫飛…應該話，佢可能會令我血濺她床。
老竇返嚟之後都已經有咁多唔方便，可想而知佢去舅父度重有表姐妹喺度係會有幾遴迍。




沖完涼，我返去我同老竇張床…乜床都好啦，總之就唔會同QQ同床；我攞返起部電話一睇…有三個未接來電，重有一堆message；唉，唯有硬著龜頭…呀唔係…係頭皮頂硬上。
我：『Sorry，頭先電話hang晒機白畫面添，我都唔知搞乜鬼…』唔理喇，瞓覺要緊，爹地嘅突襲已經消耗咗我超多嘅精神，我堅係需要抖一抖，好在佢竟然批准咗QQ喺度繼續暫住。
唉，明明話要神不知鬼不覺，結果Miss Tang撞破咗我哋，又瞞唔過爹地，今次真係失策，以後絕對要小心啲，唔可以再俾啲無謂人發現我同右女神嘅不軌勾當；嗱，我無同佢做不軌嘅嘢㗎，係世人都要覺得未成年男女同居就係不軌咋嘛。
過咗陣，爹地都沖完涼出返嚟。
爸：「嘻，真係好，可以同仔仔一齊瞓。」
我…唔多想理佢，決定拍埋埲牆繼續扮瞓覺算。
又無話想唔想同老竇一齊瞓嘅…不過話時話，我由細到大都好似無同過佢瞓，只係記得好細好細個嗰陣會攬實媽咪嚟瞓覺，用對手仔捉實佢個波波…嗯…好想攬住QQ瞓覺呀。