thriXt Qantasy 純文字安眠之作 (New: - U2K - 一直上架): 468

Q：「Zilvia嘅父母係高級公務員嚟，聽聞係喺律政司同政府新聞署度做，佢知道如果出聲嘅話屋企人一定會追究到底，但當時架車又得佢哋兩個，佢身體又無任何損傷，打起官司上嚟都好大機會告唔入，佢好驚唔知其他人會點睇佢，又怕返學會好大壓力，六年級得返幾個月轉校好難轉，最後佢決定啞忍算。」
我：「咁…可能會再有女同學慘遭司機毒手。」
Q：「都無辦法，變態佬通街都係，唔通殺咗佢哋咩，坐完監出嚟可能都係繼續，而且捉都捉唔晒，最緊要係我哋小心㗎咋。」
我：「不過有樣嘢唔明，佢屋企都係有錢人，點解會俾個女日日行半個鐘返學放學？」
Q：「哎呀，有錢人都分好多種㗎，佢屋企好嚴格，鼓勵佢乜都要落手落腳做，所以而家工人都無再請，佢重要每晚都洗碗，同埋佢係喺我哋之中最唔會亂使錢嗰個。」
我：「咁妳而家都會洗碗，重好慳添。」
Q：「因為你唔係富二代吖嘛！無鬼用！」
我：「關我乜事喎…」
Q：「唔講呢個喇，都無得改變。」
我：「係呢…咁Queenie妳有無任何不幸嘅經歷？」




Q：「啱啱，俾你攪到件衫眼淚鼻涕算唔算？」
我：「其他人呢…有無？」
Q：「嗯，可能我好彩啲，無乜直接嘅侵犯，喺學校試過上樓梯嗰陣發現有個男同學好特登咁䚎我裙底囉，同埋試過夏天喺商場搭（車立）有條仆街夾硬迫埋嚟，黐隻手落我啲手臂肉度，但我就搵個膊頭死頂住佢唔俾佢揩到我個波囉。」
我：「咁Queenie，你…會唔會覺得我係變態？」
我一時情不自禁，忍唔住望下佢心口嗰兩團肉，同埋浮咗喺上面嘅兩粒花生。
Q：「我唔想同你研究呢個問題，個個男仔都有啲變態㗎啦…不過你有份養我，咁我益下你都叫做情有可原，唔會太委屈嘅…」
我：「放心啦，我會好好愛惜妳嘅。」
Q：「係就最好啦！喂，分啲麪嚟畀我，同埋我要魷魚鬚。」佢用筷子一捲就搶咗我兩條魷魚鬚，可見凡親關於食嘅技術，佢都係功力深厚。
我：「妳…食我口水尾呀？」以為佢唔係好肚餓，所以一開始就無諗住要分啲咖喱撈麪畀佢。
Q：「怕你呀？都一齊住咗咁耐。」




我：「唔係怕，驚妳要聽我話啫。」
Q：「吓！乜我而家有好唔聽你話咩？係咪即係咁呀？」女神妳唔好玩我啦，我又點敢要妳聽我話喎，唔好玩我就已經叫我心滿意足。
食完飯，又變返我哋嘅日常時間，估唔到佢會為咗攞我啲相同片花咁大精力，我以後真係要冷靜些少，要相信我嘅女神。
一如往常，QQ沖完涼香噴噴咁出返嚟。
我：「點呀，今晚重使唔使拉筋？」
Q：「嗯？好想同我一齊拉呀？」
我：「拉乜鬼吖，我隻腳都傷咗，同埋聽日我推鉛球咋嘛，如果妳需要我幫到手咪出聲囉。」
Q：「咁睇嚟係你好想幫我手咁喎！」
我：「無囉…視乎需要啫。」
Q：「咁你做個前後腳企實個人啦。」




我聽佢話照做，呢個妹妹仔一拉就放咗隻右腳喺我膊頭上面，計埋我哋嘅身高差，佢真係好犀利，而且重可以捽隻左腳將個身貼近我個人。
我：「妳呢個動作…會唔會有啲尷尬…」
Q：「係咪好想將我呢個不知所謂嘅女仔就地正法呢？」隻腳擘到開一開，越貼越埋，邊個唔想…
我：「妳點會不知所謂…妳…好好。」
Q：「哼，唔拉喇，拉咗幾日已經夠，留返啲力嚟聽日跑，等你聽朝嘅早餐。」
由於今日做咗運動，精神又發洩完，重食咗餐好，我哋話咁快就瞓著咗。