為了實現媽媽遺願，我成為了女兒國唐僧: 462

Q：「我返嚟喇。」
我：「妳…返嚟嗱？肚唔肚餓呀？」
Q：「唔呀，佢哋班人買咗鬼死咁多小食返嚟…」
聽到佢咁講，我嘅心情直頭打到落谷底…原來只係我自己喺度自作多情，等咗佢兩粒幾鐘都唔知為乜，早知我頭先自己喺街食埋飯返屋企休息大覺瞓算…呢一刻，我覺得自己好委屈。
QQ如常咁入廁所洗手洗面，再出返廳換便服，而我…就望住個黑色嘅電話芒，同埋芒入面自己嘅倒影，啲水份開始唔爭氣咁喺眼角滲出嚟。
Q：「喂…你個樣做乜咁恐怖呀…」佢一路著住半件衫穿隻手落衫袖一路同我講。
我：「無…無呀…無特別。」我唔可以俾QQ發現我有唔妥，因為佢其實無做錯啲乜，只係我一條友喺度自己發神經。
點知QQ佢換完衫就坐咗落我張床上面，然後用手托起我下巴，直至我嘅眼神被迫同佢完全直視。
Q：「快啲話畀我聽你喺度搞乜？」
我：「無…呀…我都無…黑臉。」




Q：「我唔係話你黑臉，咪一早同你講咗要夜啲先返嚟囉，你唔開心啲乜喎。」
我：「我…係呀…我都唔知…妳唔使理我。」
Q：「點唔理你，我唔想成晚對住咁樣嘅你。」
我：「由得我，瞓下就無嘢。」
Q：「想扭計？」
我：「可以點扭喎…」
Q：「扭抱抱？」
我：「真係可以？」
Q：「唔太過份，唔好非禮我都得嘅。」
聽到佢咁講，我已經忍唔住…瞓低咗自己個人，爬咗上佢大髀上面攬到佢條腰實一實，將自己塊面埋落去佢個肚仔度。




Q：「低B仔，都唔知你喺度做乜。」
我：「妳咁夜唔返嚟…掛住妳吖嘛。」
Q：「做乜…搞到我成個要返屋企煮飯畀小朋友嘅阿媽咁喎，你唔係慣咗一個人生活㗎咩。」
我：「而家…慣咗晚晚對住妳…」
Q：「死喇，睇嚟你中咗女神毒，今次實無剩。」
我：「邊係，中咗QQ毒咋嘛。」
我感覺到QQ用手喺度摸我個頭，然後伸手入件衫扯咗個Bra出嚟，之後有啲好軟嘅嘢壓咗落我後頸；我死死咁抱住佢唔放，唔想畀佢見到我個貓樣，我成個死細路咁無面見佢；就咁過咗幾分鐘。