為了實現媽媽遺願，我成為了女兒國唐僧: 422

我：「咁平時食得太多甜酸醬吖嘛。」
Q：「都唔錯，啖啖麥樂雞，唔使迫自己食麥當勞啲唔好味嘅薯條或者無鬼謂粟米。」
我：「我啱啱諗起樣嘢，妳會唔會用我嚟做參考，加落去妳個小說嘅男角度㗎？」
Q：「咁就梗係會啦，你咁方便。」
我：「真係㗎？！」
Q：「係呀，路人ABC，班上面搞事成日俾Miss罰嘅曳學生，永遠俾女同學請食檸檬嘅鹹濕仔，全部都係你嚟呀，好未？」
我：「點解…好似好悲情咁嘅？」
Q：「點會悲情呢，都不知幾歡樂呀，再寫埋食完檸檬之後俾個肥婆追，壓住喺張床上面要你幫佢破處，重有對K cup畀你玩呀！哈哈哈哈哈！」
我：「…。」
我知道，QQ一定係講笑，佢又點會寫呢啲咁亂七八糟嘅故仔呢，出自佢手筆嘅，我諗一定會係淒美纏綿，柔情似水，再加少少哀怨動人…




（爛作者按：好想搵QQ請槍，俾佢閹又點話…）
我諗大家一定有個疑問，就係女神佢最後總共食咗幾多隻麥樂雞呢？無錯，我係有數嘅。話擔心食唔晒咁多嘅佢總共食咗十一隻，而我就食咗十六隻…所以我咪話囉，點會食唔晒呢？
Q：「你真係癲㗎，食得落十六隻麥樂雞…」
我：「我最多嗰次係一個人食廿五隻，不過一路打機一路食，食咗成兩粒鐘。」
Q：「黐線㗎，點會無端端嗌廿五？四盒先…」
我：「六同九加唔到廿五㗎，嗰次佢推出特別版廿五隻套裝，我見幾抵食咪挑戰下囉。」
Q：「我都好似聽過，你咁鍾意麥樂雞，等我考你一樣嘢吖！」
我：「我又唔係話特別鍾意麥樂雞，不過如果有特價我咪會食囉，想考我乜呀，有無奬先？」
Q：「奬呀，都可以嘅，橫掂咁深你應該無機會答啱，咁你想要啲乜吖？」
呢個時候我由上至下打量咗佢嘅身體一陣，無論點我都講唔到出口，亦唔知自己想點。




Q：「想揸波咋？」
我：「不朽都想㗎啦…但唔係幾好嘅，唔想妳當我係衰人。」如果唔係一早已經揸咗啦。
Q：「一係…如果你啱晒，畀你瞓喺我大髀上面，我幫你撩耳仔吖。」呢個！咪小新老竇野原廣志返工…食晏嗰陣，同啲女下屬…走上天台，便當…
我：「好呀，好呀，好呀！」我充滿雄心壯志。
Q：「回字有四種寫法，而麥樂雞有四種形狀，請講出麥樂雞四種形狀嘅英文名稱。」