為了實現媽媽遺願，我成為了女兒國唐僧: 400*

咁就400章，願各位主角能令你哋開心

小朋友落樓梯…用嘅時間大概只係上嗰陣嘅三份之一，而由於我未曾受過專業指導，所以就唔喺度講解我點落樓梯嘞，以免有小朋友學習而產生不必要嘅危險。
Q：「喂！你咪咁黐線啦！一陣跌跛咗隻腳玩唔到陸運會我唯你是問㗎！」佢都係遲我少少到啫，大概慢我兩層樓到，我就唔信佢一級都無跳過。
我：「真係無事喇，跳咗十年八年，每隔兩年就可以跳多一級，呵呵。」
Q：「哦，好呀，咁我等多十年，到時要睇你一次過跳半層，講得出唔該你就要做得到。」
十年，女神話等多我十年，突然覺得心內一甜。
我：「唔好玩我啦，我諗已經差唔多到極限㗎喇，應該用埋手再多兩級已經盡。」
Q：「你鍾意玩得咁癲，好心你就一早報陸運會啦，浪費晒你嘅天生異稟…咦，原來行樓梯嚟到底層，呢度都幾陰森恐怖㗎喎。」
好多公屋嘅後梯底層，由於唔係連接住升降機大堂，所以平時係無乜人用嘅；呢度係一個非常暗嘅密閉空間，樓底比起其他層數都要高好多，而牆身盞燈十居其九都係壞Q咗嘅；自從屋邨加強保安之後，本來自出自入嘅後梯加咗一道有出無入嘅大鋼閘，陽光只可以透過鋼閘側邊嘅金屬欄柵，同埋二樓嘅牆壁反射落嚟，冬天嘅太陽嚟到五點幾已經準備收工，呢度就變得更加黑鼆鼆…更加唔好提樓梯底下嘅絕對空間，望入去完全係伸手不見五指，就算細個喺公屋玩捉伊人大家都絕對唔敢匿入去，好多大哥哥都會講到言之鑿鑿咁呢個三角形空間係有入無出，因為有條睇唔到嘅樓梯可以繼續屈落去直達地府…




當然我而家應該有資格做嗰個大哥哥將呢啲鬼話連篇一直傳承下去，就等於每一間小學都有幾個必然一代傳一代嘅傳說，例如男子漢要玩閹，呢個世界有條河入面有食朘朘魚，椰子樹下的故事，白色太陽槍，急口令一見鍾情二人上床衫褲剝清等等…
我：「係呀，聽聞啲公屋強姦案好多時案發地點就係喺度。」
Q：「嘩！好驚呀！」佢撲入我心口度，假膠到…
我：「喂，小姐妳想點呀？」
Q：「你會保護我㗎可？等我免遭毒手…」
我：「咁妳有無諗過，毒手就可能近在咫尺…」
我作狀咁伸出兩隻手，不過咁暗都唔知睇唔睇到…
Q：「呀？你終於忍唔住要強姦我喇？」
我：「對住妳呢身裝束，又有邊個忍得住…」
Q：「唔好姦我啦，你哀下我，可能我會畀呢？」




我：「鬼得閒攪妳，我先咁後生，唔想身體上面某個器官脫離自己。」
Q：「未必嘅，博一鋪，可能無事呢？」
我：「唔制，最毒婦人心，凡事小心啲好。」
Q：「咁你就咪咁多廢話啦！快啲跑返上去呀！」
右女神又會咁認真嘅，結果我哋再跑到上頂，然後又落返底，重覆咗好幾次…