為了實現媽媽遺願，我成為了女兒國唐僧: 392

我：「我返嚟喇。」一開門就見到著晒燈。
Q：「呼呵…呼呵…」
我：「我想問妳喺度搞乜…」
Q：「做緊sit up囉，你盲㗎。」
我：「做乜一路敷mask一路做…」
Q：「慳時間囉！呀，其實重可以開埋電子書嚟聽…」呢個女人真係好識管理時間呀下。
我：「你條仔係嫌你肥吖，定嫌妳唔靚女…」
Q：「唔關事啦，要準備跑四百米。」
我：「乜妳都咁認真㗎咩？點解唔留喺學校練？」
Q：「唔啦，嗰啲環境唔係幾適合我。」


我：「都唔會吖，學校又有啦啦隊，田徑隊入面都有啲高form女神喺度練跑。」
Q：「你唔明㗎喇，定位唔同，我唔要包尾就得。」
我：「唔知妳喺度計緊啲乜，使唔使幫下妳呀？」
Q：「喂！咪掂我！你打完波好臭，快啲沖涼！」
我：「唓。」如果佢唔係女神，我真係唔多想喺自己屋企俾個女仔呼呼喝喝，就算係Carmen都會好溫柔咁推我入去沖，重會幫我洗洗…可惜吖，我屋企廁所得個花灑又鬼死咁迫，無得好好享受。
重要點解無端端走嚟我張床上面做sit up，唔通佢就咁鍾意戀上我的床？不過睇住佢做sit up本身就係一個好養眼嘅活動嚟，除咗嗰塊礙眼嘅mask。
其實，同女仔相處又有乜咁好驚呢。
Q：「喂，你成碌木咁企喺度望住我想點呀？」
我：「想揸妳對波囉。」唔知點解想玩下嘢，其實真係好易開口咋嘛，又唔係叫你真做。
Q：「我知呀，你日日都想揸㗎啦，如果你有一日同我講唔想揸嘅話我就真係擔心，都唔知你係咪俾人閹咗無晒需要。」


我：「呢度好似係得妳呢個粗魯女仔會閹我。」
Q：「係咩，點知你出面會唔會收埋其他EX或者新歡喎，不過點都好，唔關我事。」
我：「無啦，收心養性，戒埋溝女添呀。」
Q：「咁你企喺度眼甘甘望住我想點？」
我：「唔溝女啫，望下靚女都得呀，有靚女唔睇好折墮㗎。」
Q：「妖，好煩呀你，阻頭阻勢咁，又無話唔俾你揸，不過唔該快啲去沖咗涼先呀。」
我：「吓，乜原來真係可以揸㗎？」
Q：「咪一早講咗囉，你又畀地方我住，又肯養我，你咁威威我點敢反抗呀，又唔會無咗忽肉嘅。」
我：「正一老司機，我偏唔揸呀。」
Q：「食屎啦！」


我：「嘩！痛…做乜…踢人上五吋下五吋！」
Q：「唔痛踢嚟做乜，再咁多廢話踢爛你條J添呀！」
我：「唯女子與小人難養…嘩！即刻去沖涼。」
望住佢幾下天殘腳咁，我即刻走夾唔抖跑入廁所，我唔係驚佢狠下毒手要踢到我性無能，而係一下錯腳出咗意外就真係可大可小；到時亡羊補牢，貴妃獻身小太監，唔係無叉用，係無撚用。