為了實現媽媽遺願，我成為了女兒國唐僧: 381

我：「你個Bra係咪好緊？條痕咁紅嘅？」
Q：「好似係，可能要tune一tune，或者呢排M到所以脹奶…搞到我背脊有啲痕添。」
我：「使唔使幫妳搲下呀？」
Q：「你鍾意啦，橫掂你都係想非禮我。」
我：「邊係喎，背脊咋嘛，有乜好非禮。」
講真唔係想非禮，而係條痕好似馬路車胎痕咁好得意，想放隻手指落去掃下感受下個凹凸，所以我都順便幫佢搲咗兩嘢；佢啲肉我唔係第一次掂，當然非常白滑，加埋有啲彈性嘅baby fat其實好好手感，舒服過瘦得滯嘅細蚊。
我：「想問下…脹奶係乜嚟？」
Q：「無乜乜嚟…咪好似心口有啲水腫咁，有啲頂住頂住嘅感覺，加埋M痛就真係想死…」
我：「咁妳無嘢吖嘛，會唔會好辛苦，點算好？」
Q：「點算？除咗個Bra就舒服好多，同埋可以搓下按摩下，都會舒服啲…唉，你咁講起，其實我M到唔應該食炸雞…雖然食甜品都係死。」佢一路講一路喺我嘅前面按摩雙乳。


我：「嗯…咁我都無嘢幫到妳。」
Q：「係呀，你無鬼用呀，唔使你幫我揸波，你激少啲我，唔好整到我唔開心就得。」
我：「知道，以後唔會。」
QQ搓咗幾嘢就著返件T，然後…瓹咗入我張被入面，繼續用我隻大髀做枕頭。
我：「女王大人，妳喺度做乜？」
Q：「無做乜，社交完好攰，要抖返陣先。」
我：「但妳做乜要喺我大髀上面抖？妳張床喺嗰邊…」雖然我係唔介意呢個麻煩妹黐住我喇。
Q：「重使問嘅？你呢度瞓到暖晒，咪黐下囉。」
咁怕凍嘅話妳做乜唔著返條褲先呢？
我：「妳鍾意啦，唔好閹我就得。」


Q：「你唔硬嘅我鬼得閒閹你…成日喺度諗衰嘢，你一定好想揸我個波。」
我：「套返妳嗰句，妳咁靚女又有身材，有乜可能有男人唔想揸，除非係基㗎囉。」
Q：「揸囉，最多我應承唔嬲你，不過我要舒服㗎。」
我：「妳唔嬲我，但攪到我有反應再閹我咋嘛。」
Q：「哼，我係畀你緩解我胸脹，唔係叫你鹹濕。」
我：「唔喇，我唔係聖人，亦都唔係婦科醫生，妳自己有手自己嚟啦，除非我唔幫妳妳會辛苦死。」
Q：「唔會，休息下就得。」
我：「好心妳身體不在狀態就唔好陪啦啦隊練啦。」
Q：「又係你話未睇過我練啦啦隊，先跳畀你睇下…重好意思話返我轉頭。」
我：「吓…妳跳畀我睇？乜唔係教班妹咩？」


Q：「我教班妹使唔使跳晒成part呀，指指點點用把口都得啦，蠢材…」
我：「我…係我遲鈍…對唔住…」
Q：「又叫埋社長攞啲嘢畀你試，返到嚟重要睇你面色，差唔多嬲到想車巴你，都唔知我做錯咗啲乜。」
我：「你車啦…係我嘅錯。」