為了實現媽媽遺願，我成為了女兒國唐僧: 357

Q：「呀，如果可以我想食lindt 70%又話者明治72%杏仁朱古力波，吉百利就唔使喇。」
我：「睇下…我見唔見到特價啦…啱啱買咗花街。」
Q：「花街太甜喇，拖肥囉嚟呃細路就得。」
我：「乜妳唔係天真無邪嘅細路女嚟㗎咩？」
Q：「睇下乜嘢時候啦，你話係咪呀，吉百利？」
我：「佢話妳唔好食咗佢就得。」
Q：「咁你都唔好食咗我就得。」
我：「乜喎…咪一早講好咗我會守規矩，妳唔使擔心呢個。」
Q：「無擔心過，你敢亂嚟我一定會反抗，其實呢，我小學嗰陣見到啲男仔玩閹一直都好想試下閹，想知道一嘢揸落去會有乜感覺。」
明明佢初初嚟嗰陣就好低聲下氣，又話知道唔可以無條件住喺我呢度，就算俾我非禮下都唔會介意，重可以幫我添，點解而家會變咗咁，我唔明…




我：「咁就真係可惜，中三唔會再有人玩閹，如果妳想體驗下可以去中一啲班房睇下有無低B師弟落踏，怕且佢哋都唔再係單純咁玩閹。」
Q：「咪係囉，肯定個個色瞇瞇想非禮我都似。」
我：「妳唔係好玩得㗎咩，咪當益下啲小朋友囉。」我想講其實我都係小朋友。
Q：「唔使喇…係小學嗰陣見到先覺得得意啫，到咗而家乜都睇過晒，已經無咗個初心。」
我：「曾經滄海難為水…諗返起第一次掂女仔都好懷念，拖住人哋就手就覺得佢已經係自己老婆咁，嗰陣都未知原來女仔個身體可以有咁多用途同玩法，諗住可以惜到就當贏。」
Q：「唔好諗太多，無用途，你喺度發熱就得。」
我：「無囉，同妳一樣，而家無咁多無謂遐想，同妳瞓都可以坐懷不亂啦，妳唔好閹我就得。」
Q：「問你一條問題吖。」
我：「好呀，妳咪問囉。」
Q：「如果要你揀喎，你寧願無晒兩隻手吖，定係寧願閹，真係閹走咗嗰種。」




我：「點解你可以問埋啲咁變態嘅嘢…我開始懷疑妳係寫緊恐怖小說嚇到啲網友唔敢睇。」
但係如果佢真係寫呢啲我又好想睇喎，總好過啲千篇一律嘅公主王子悶到爆糖水愛情小說。
Q：「唔係呀…問下咋嘛，假如啫，都唔係真。」
我：「無咗下面…就無咗繁殖功能，無得happy，把聲會高音咗，但生活大致上可以維持到…唔知點屙殊殊呢，係咪要用尿片？」
Q：「當係囉…好似我哋戴M巾咁啫。」