為了實現媽媽遺願，我成為了女兒國唐僧: 350

返屋企嘅路程又經過趴街超市…嚟到PARKnSHOP呀，買乜撚嘢好呀？護舒寶呀！護舒寶！樂而雅呀！樂而雅！高潔絲呀！高潔絲！大姨媽呀！大姨媽！雅居樂呀！雅居樂！舒適堡呀！舒適堡！高露潔呀！高露潔…
完成任務嘅我帶住癲癲duck duck嘅心情，繼續修改我嘅趴街超市枚，然後回宮覿見女王陛下。
返到屋企，QQ仍然係同一個動作，攬住隻豬對住埲牆，既然係咁都係唔好擾伊人清夢。
Q：「喂，去咗咁耐嘅。」聲音從背脊傳來。
我：「呀，我已經買咗你需要嘅嘢。」
我成個百佳袋遞咗畀佢。
Q：「咦，點解有兩包嘅…重要唔係我叫你買嗰隻，不過又無買錯，你搞乜鬼呀？」
我：「我…唔記得咗妳話買邊包呀，隻隻啲包裝都差唔多，重難分過啲高達模型。」
Q：「真係吖，咁你又識買嘅？」
我：「呢啲嘢，上網問下Google都有答案啦。」


我當然唔會畀佢知我喺樓下撞到Carmen，呢兩包係姐姐幫佢揀；嗱，我無講大話㗎，我係話上網都有答案，而唔係話我上網搵。其實俾佢知我撞到EX又無乜嘢嘅，只係要女人幫我先買到返嚟，成功感就會即刻無晒，保持唔到幫女神買M巾嘅呢個威勢。
Q：「古古怪怪咁。」佢用懷疑嘅眼神望住我。
我：「啱咪得囉，隻隻牌子都係咁。」
然之後QQ喺張床上面坐咗起身，拆開咗包M巾，再喺床頭攞起條底底，貼塊M巾上去條底褲度，其實我以前都唔知呢樣嘢係乜構造㗎，不過自從要幫佢洗底褲之後呢…另外因為各種原因，QQ喺床頭都會放咗Bra同埋底褲喺度，斷估就唔係為咗防避我嘅，因為如果我要夾硬嚟嘅都起唔到乜嘢作用，而且佢喺屋企經常性唔戴Bra。
貼完M巾之後，佢喺被竇入面伸隻手去自己嘅下半身，而我亦都擰轉身走人。
Q：「喂！你走去邊呀？」
我：「做乜…唔阻妳換M巾…」
Q：「吓，你唔係咁都諗到去嗰啲嘢度呀？」
我：「唔係，點好意思睇住妳喎。」
Q：「唔係叫你睇呀，幫我處理咗佢唔該。」