為了實現媽媽遺願，我成為了女兒國唐僧: 343

QQ曾經問過我如果變到好有錢會點，其實如果好有錢，我都係會想繼續同佢一齊住養佢…但係見到Angel姐姐咁慘，我又想養埋佢；Carmen曾經咁惜我，實現咗我無數嘅夢想，我應該報答佢唔可以虧待；而細蚊又畀咗第一次我，而家嘅佢都變好咗…
睇嚟我變到好有錢都會成為一個仆街，但養埋成班女人喺屋企又可以有乜用，幾過一齊嚟玩兩三次都話得啫，日日係咁嘅話就…又唔知佢哋會唔會打架，諗起都煩。
Carmen玩起上嚟確實係無嚟正經，但每次同佢講起男女感情嘢都會令我發人深省；正如佢以前同我開心過後又會鬧返我，叫我唔可以同女仔太亂嚟，有啲行為唔好太過份，但我當時只係顧住同佢玩無認真聽佢講，諗返都有啲後悔。
點解我嗰陣會咁對細蚊？我實在係愧對Carmen姐姐，雖然我同細蚊一齊都只係順其自然而唔係經佢安排。總覺得呢位姐姐帶我打開咗男女關係嘅大門，以後我識到嘅任何一個女仔，都會睇到佢嘅影子喺入面。
C：「你望到我咁實做乜呀？」
我：「我喺度諗，唧走妳粒暗瘡一定會好痛快…」
C：「點解…你可以咁變態㗎？！」
我：「唓，妳以前同我玩嗰陣又唔見妳咁講。」
C：「咁點同喎，嗰啲係玩，而家唔係。」
我：「我諗醫生見到都會同妳清走佢，就好似要割癌細胞咁，有無聽過排清毒素身體好呀？」




C：「吓？！排毒美顏寶？點解你會識㗎？呢個廣告好似我好細細個幼稚園嗰陣就無咗喇喎。」
我：「我都唔知係乜，喺酒樓啲阿叔度聽返嚟…」
C：「佢哋點會無端端講啲咁嘅嘢？」
我：「佢哋係話…揼個邪骨，嚟套大保健，實行排清毒素身體好，嗱，我乜都唔知同唔識㗎。」
C：「妖，男人講嘢真係無句正經，你個曳曳死人交叉仔咪扮唔識呀下，係咪想姐姐幫你排毒先？」
我：「唔使喇…呢啲自己嚟就得，不過如果妳唔介意嘅話我可以充當大夫幫妳做個小手術排毒。」
C：「你真係好Q變態，可以媲美嗰陣沖嘢飲…」
我：「哈哈…酸忌廉溝鮮奶，放心啦，我永遠都唔會再玩啲咁嘅嘢。」
C：「我實放心，我點都唔會再攞自己個身體嚟教非，一陣玩壞咗就死得…不過嗰種啲汽水倒入身體入面嘅感覺，實在係永世難忘。」