thriXt Qantasy 純文字安眠之作 (New: - U2K - 一直上架): 341

C：「唔好啦，好大粒暗瘡，好樣衰呀。」
我：「有乜所謂喎，妳有乜我未見過啫。」
C：「做乜喎，我咪喺度囉，同埋聖誕嗰陣先見過，你唔好同我講隻手痛就睇唔到我乜樣呀。」
我：「咁都隔咗個幾月啦，妳唔係好愛惜我嘅咩？」呢度所指嘅愛惜當然係有多重意思。
C：「喂呀！你屋企有Queenie喺度，重睇我嚟做乜，你掛住我小心人哋呷醋呀。」
我：「唓，一齊住咋嘛，況且佢又唔係我條女…就算係又點，我哋曾經一齊過，重玩得好開心，妳教識咗我好多嘢，無人可以阻止我掛住妳。」
C：「你即係話我教壞你啫，係咪？」
我：「都唔係好壞啫，同埋…我唔會好似以前咁。」
C：「其實我知道你同細蚊嗰陣搞成咁都有啲唔開心，雖然按道理就唔關我事嘅…你咁花心，小心遲啲自食其果呀，無女仔鍾意你呀。」
我：「是但啦，Queenie一日住喺我屋企，我都唔知自己可以點溝女，有先算啦…同埋學妳話齋，我而家都應該要專心讀好書先，揀科好重要。」




C：「你唔係要喺Queenie面前保持良好形象㗎咩，如果唔係人哋點會鍾意你。」
我：「大家一齊住重有乜形象可言喎…都呃唔到人㗎啦，唔通我要扮乖鹹網都唔上呀，佢自己又算點喎，每隔一排就要送外賣去條仔屋企扑嘢，情人節嗰日重畀人中出咗兩次添。」
C：「喂！交叉仔唔準亂講嘢。」
我：「我無亂講呀，唔係老吹㗎，佢自己同我講嘅，佢都唔會搵呢啲嘢嚟講大話啦。」
C：「我唔係話你亂噏，而係呢啲係女仔嘅私事嚟，你唔可以亂咁同人講，我唔清楚你同佢係乜關係，亦唔知道佢點解會同你講，但呢啲嘢自己知就算，唔好無無謂謂就講畀其他人聽。」
我：「咁妳唔係其他人吖嘛，我完全相信妳。」
C：「都唔得㗎，你信得過人哋啫，萬一人哋其實唔鍾意個當事人呢，可能佢哋有牙齒印你唔知㗎，就算兩個女仔睇落好friend，你都唔可以將佢哋同你啲對話互傳㗎，好多嘢係表面睇唔到，又或者我唔小心又同咗第二個講，可能佢識Queenie呢，啲麻煩就係咁嚟㗎喇。」
我：「知道…我以後會小心。」俾姐姐訓話嘅我就成隻死狗咁，雖然玩起上嚟佢好癲，但講起道理嘅時候又好有威嚴。
C：「你唔會又將我以前同你玩嘅內容講晒畀佢聽呀？」
我：「無，梗係唔會啦！佢知道妳係我EX，以前同我玩過，係咁多咋…啲內容咁露骨我都講唔出口。」




C：「嗯，算你啦，諒你都唔敢，如果唔係佢實覺得你係個死變態唔敢同你住埋一齊；不過我都知你應該唔會講嘅，因為你都無同細蚊講。」
我：「吓，我有無同佢講妳都知，佢會同妳報告㗎？」雖然呢個師姐係佢半個大家姐…
C：「唔係，只不過個細路女點會呃到我。」
講到嚟呢度，Carmen將佢個口罩除咗落嚟。